Altin Dumani nuk duket i frikësuar dhe ky është lajm i mirë

113 563 lexime

124,178FansaPëlqeje

Nga Mero Baze

Kreu i SPAK është përgjigjur pa komplekse si për hetimet ndaj ministrave dhe zyrtarëve të lart të pushtetit, ashtu dhe për ato ndaj familjes Berisha, Meta apo biznesmenëve të paditur për pastrim parash…

Drejtuesi i SPAK Altin Dumani ka folur para një grupi gazetarësh duke ju dhënë përgjigje gjithë pyetjeve për çështjet që ka nën hetim.

Natyrisht që komentet e një kryeprokurori janë gjithmonë të rezervuara për të mos dëmtuar hetimet. Por për herë të parë ne kemi një drejtues të lart të prokurorisë, që nuk heziton ti përgjigjet çdo pyetje pa fshehur asgjë.

Zakonisht prokurorët tanë kanë pas tradita propagandistike, të tipit “Në Shtator do ketë arrestime” apo “jemi në rrugën e duhur në hetime”. Kjo gjuhë është zhdukur si çdo gjuhë e vdekur.

Kreu i SPAK është përgjigjur pa komplekse si për hetimet ndaj ministrave dhe zyrtarëve të lart të pushtetit, ashtu dhe për ato ndaj familjes Berisha, Meta apo biznesmenëve të paditur për pastrim parash.

Pra shikohet qartë se kemi një prokuroi e cila nuk ndjehet në siklet nga asnjë palë, as nga pushteti as nga opozita, as nga biznesi i madh.

Rezultatet e prekshme deri tani janë vetëm kundër qeverisë. Dhe është e kuptueshme pasi qeveria ka shansin të përballet me shkelje të ligjit dhe korrupsion se është në pushtet. Por Dumani pranoi hetime shtesë për Gërdecin që në fakt lidhen me djalin e Sali Berishës, hetime ndaj Ilir Metës dhe hetime ndaj biznesmenëve.

Pavarësisht kësaj gjeografie të plotësuar të luftës kundër korrupsionit, e rëndësishme është që SPAK të vendos standarde drejtësie dhe jo doemos balancime politike në drejtësinë shqiptare.

Nëse hetimet për pasurinë për një ministër shkojnë deri në vitin 2000, atëherë këto duhet të shkojnë dhe për një ish ministër apo kryeministër.

Lexo edhe :  Si po i ushqejmë turistët?

Nëse një dosje vrasjesh nuk mbyllet kurrë, kur atë e bën një kriminel, nuk ka pse mbyllen dosjet e vrasjeve të 21 janarit apo ato të Gërdecit, kur atë e bën një kryeministër apo bashkëpunëtorë të tij.

Pra është e rëndësishme që të vendoset një standard drejtësie që të shërbej jo vetëm si shembull frike por mbi të gjitha si shembull ndëshkimi.

Siguria me të cilën Altin Dumani u është përgjigjur gjithë pyetjeve jep shpresë se ai të paktën nuk duket as i frikësuar dhe as i impresionuar nga ata që po heton.

Dhe kjo nuk është pak në një vend, ku kryeministri ka sulmuar kryeprokuroren me fjalor të ndyrë dhe gjithë shteti dhe drejtësia ka ulur kokën duke e lënë një grua të vetme përballë një njeriu që sapo kishte vrarë dhe ende nuk është pyetur pse ka vrarë.

E rëndësishme është që kemi një prokurori speciale që ka dërrmuar qeverinë me arrestime dhe nuk ka marrë asnjë sulm nga kryeministri dhe akoma më keq një prokurori që duhet të ishte e lavdëruara e madhe e opozitës por për fat të keq të saj është e mallkuara e madhe e saj për shkak të Sali Berishës, i cili e di se çfarë ka bërë.

I vetmi segment opozitar që e mbështet SPAK ka mbetur Partia Demokratike e Lulzim Bashës dhe ndonjë deputet mbetur jashtë çadrës se Berishës.

Por tani së paku kemi një prokuror që kryeministri nuk i thotë më horr bulevardi, dhe ai nuk është më vetëm kur dikush e sulmon. Pasi atë nuk e sulmojnë se është me pushtetin apo opozitën. E sulmojnë pikërisht se nuk është me asnjë prej tyre. Kjo i tremb.

 

Të fundit

Si mund ta rrisë turizmi prodhimin vendas?

Pavarësisht sfidave të shumta që sjell sezonaliteti, rritja me ritme të shpejta e sektorit të turizmit, ofron mundësi konkrete...

Asfalti nuk e përballon dot vapën/ Rruga çahet si letër në Missouri

Në shtetin amerikan të Missouri, temperaturat ekstreme të ditëve të fundit kanë shkaktuar një incident të pazakontë: asfalti në një rrugë është çarë papritur,...

Miti i kriminelëve shqiptarë si një alibi e Berishës për humbjen shkatërruese

Një nga alibitë kryesore me të cilat Berisha po përpiqet të justifikojë humbjen e tij shkatërruese të 11 Majit është ndërhyrja e krimit të...

“Jam i zhgënjyer me vlonjatët”/ Arben Malaj: Drejtorët pranuan fajësinë me dorëheqjet

Në  një studio televizive, Arben Malaj është shprehur i zhgënjyer me vendimin e drejtorëve të bashkisë së Vlorës për të dhënë dorëheqjen pas takimit...

Temu i “rrëmben” fronin ChatGPT-së, renditet si më i shkarkuari në Shqipëri

Trendet e botës teknologjike janë gjithmonë në lëvizje dhe kjo pasqyrohet edhe në Shqipëri. Ndryshimet e fundit në sjelljen e përdoruesve shfaqen qartë përmes...

Lajme të tjera

Web TV