Liverpooli shpërdoron mundësinë për t’i marrë kryesimin e Premier Leagues Manchester City-t. “The Reds” pësuan disfatën e parë sezonale 2-1 në fushën e Tottenhamit në një sfidë të cilën e mbyllën me dy lojtarë më pak, pasi Curtis Jones dhe Digo Jota u ndëshkuan më kartonë të kyq.
Një sukses “in extremis” për ekipin londinez, falë një autogoli të Matip në minutën e fundit shtesë.
Skuadra e Jurgen Klopp e nisi mirë takimin, me disa raste për shënim, por ndeshja mori tjetër rrjedhë kur Jones u ndëshkua me karton të kuq.
Tottenhami e zhbllokoi takimin me Son, por në kohën shtesë të pjesës së parë barazoi Gakpo.
Edhe me një lojtar më pak, Liverpooli po luante si i barabartë, por me kartonin e kuq të Digo Jotas gjithçka u bë më e vështirë për miqtë. Atëherë kur mendohej se ndeshja do të mbyllej në barazim erdhi autogoli i Matip, që vulosi fitoren e “Spurs”-ave.
