Depozitat me afat në lekë, në rënie për të dhjetin vit radhazi

113 563 lexime

124,178FansaPëlqeje

Depozitat me afat në lekë po vazhdojnë edhe këtë vit rënien, për të dhjetin vit radhazi. Sipas të dhënave nga Banka e Shqipërisë, në fund të muajit korrik vlera e këtij segmenti të depozitave zbriti në 200.4 miliardë lekë, në rënie me 4.2% krahasuar me të njëjtën periudhë të një viti më parë. Shkalla e rënies ka një tendencë në ngushtim gjatë këtij viti.

Në fund të vitit 2022, rënia e depozitave me afat në Lekë kishte qenë 6.3%.

Por, ndryshimi vjetor ngelet në rënie të dukshme dhe cikli i rritjes së normave të interesit nga Banka e Shqipërisë nuk ka mjaftuar për të kthyer në rritje depozitat me afat në monedhën vendase.

Normat e interesit të depozitave filluan të rriteshin pas ndryshimit të kursit të politikës monetare të Bankës së Shqipërisë, në mars të vitit të kaluar.

Rritja u nxit sidomos nga një rritje e shpejtë e yield-eve të Bonove të Thesarit të qeverisë shqiptare, që tërhoqi një rritje të fortë të investimeve direkte të individëve dhe krijoi më shumë konkurrencë për kursimet e publikut.

Por, rënia e yield-eve të bonove dhe obligacioneve që prej fillimit të këtij viti ka frenuar ndjeshëm rritjen e normave të interesit të depozitave.

Këtë vit, Banka e Shqipërisë e ka frenuar ciklin e rritjes së shpejtë të normave të interesit. Norma bazë është rritur vetëm një herë, në muajin mars dhe aktualisht ndodhet në 3%, një nga nivelet më të ulët në Europë.

Ky frenim shpjegohet më së shumti me forcimin e lekut në kursin e këmbimit valutor. Sipas statistikave të Bankës së Shqipërisë, norma mesatare e interesit për të gjitha depozitat me afat në Lekë të individëve në korrik zbriti në 1.77%, nga 1.84% që kishte qenë për muajin qershor.

Lexo edhe :  Lufta tregtare/ Taksat e reja dhe ndikimi i tyre tek biznesi

Ndërkohë, llogaritë rrjedhëse dhe depozitat pa afat në Lekë vazhdojnë të rriten, duke dëshmuar se në përgjithësi aktorët ekonomikë vazhdojnë të preferojnë t’i mbajnë fondet në banka në llogari likuide dhe të gatshme për tu përdorur.

Në fund të muajit korrik, llogaritë dhe depozitat pa afat në lekë ishin në rritje vjetore me 3.8%, në nivele të përafërta me fundin e vitit 2022.

Megjithatë, periudha inflacioniste ka ndikuar ndjeshëm në ngadalësimin e rritjes edhe për këtë segment të depozitave në Lekë.

Në periudhën 2020-2021, llogaritë rrjedhëse dhe depozitat me afat në lekë ishin rritur me ritme dyshifrore, përkatësisht 25.9% dhe 14.5%. Rritja e inflacionit në fillim të vitit 2022 dhe shtrëngimi i ndjeshëm i politikës monetare dhe fiskale gjatë kësaj periudhe e ka frenuar dukshëm rritjen e depozitave bankare në përgjithësi.

Ndërkohë, si rezultat i forcimit të Lekut në kursin e këmbimit, për herë të parë në korrik edhe depozitat në valutë të huaj (me vlerë të shprehur në Lekë) pësuan rënie me 1.8% me bazë vjetore./Monitor  /  S.M

Të fundit

Do të garojë në lista të hapura, reagon Meta: Nuk e bëra partinë për t’u bërë deputet!

Kreu i Partisë së Lirisë Ilir Meta, ka reaguar nga burgu, një ditë pasi deklaroi se do të garojë...

Jepen 530 kredi për shtëpi me 0% interes, ja cilat janë kategoritë që e përfitojnë

Ministria e Ekonomisë, Kulturës dhe Inovacionit ka hapur thirrjen për aplikim për kredi me 0% interes për blerjen e një banese për 530 Punonjës...

Protesta e opozitës kundër mbylljes së TikTok, ja ku do të zhvillohet tubimi dhe orari

Protesta e opozitës e thirrur më 15 mars kundër vendimit të qeverisë për mbylljen e tij TikTok do të zhvillohet përpara Kryeministrisë. Tubimi mësohet...

VIDEO / Belind Këlliçi i zgjat dorën, Berisha ‘e injoron’ dhe zgjedh Arian Starovën

Sali Berisha ka prezantuar një ditë më parë aleatët e koalicionit “Shqipëria Madhështore”. Gjatë hyrjes në sallë, Berisha iu ka dhënë dorën me radhë “elitës...

Petro Koçi tërhiqet nga gara zgjedhore:S’do jem në listë për deputet, por do punoj për PS

Petro Koçi është tërhequr nga gara zgjedhore e 11 majit. Deputeti socialist, përmes një reagimi në rrjetet sociale, deklaroi se nuk do të jetë...

Lajme të tjera

Web TV