Autoritetet finlandeze kanë bërë me dije se duan të vendosë ligje më të rrepta për ata që dëshirojnë të marrin nënshtetësinë finlandeze.
Ministrja e Brendshme e Finlandës, Mari Rantanen, duke shpallur planin e qeverisë, tha se shtetësia finlandeze nuk është automatike, duke theksuar se të gjithëve do t’u kërkohet të plotësojnë kërkesa më të rrepta për t’u dhënë shtetësinë.
Duke këmbëngulur se ndryshimet nuk do të jenë “të paarsyeshme”, ministrja Rantanen tha se do të bëhen ndryshime në rregullore në lidhje me kohën e qëndrimit, kërkesat e të ardhurave dhe ndershmërinë.
Sipas Ministrisë së Brendshme të Finlandës, qeveria e udhëhequr nga kryeministri Petteri Orpo dëshiron të zgjasë kohën e qëndrimit për ata që dëshirojnë të marrin nënshtetësinë finlandeze. Kërkesa për rezidencë do të rritet nga pesë vite aktuale në tetë vjet./ S.M
