Të mërkurën, në Kryesinë e Kuvendit është mbledhur grupi parlamentar i Partisë Socialiste, ku pas shumë mungesash ishte i pranishëm edhe kryeminsitri Edi Rama.
Mësohet se gjatë mbledhjes, Rama u ndal tek bashkëpunimi mes grupit parlamentar dhe qeverisë për çështje me interes në mbledhje të komisioneve parlamentare dhe seancave plenare.
Kreu i qeverisë foli edhe për angazhimin e deputetëve në Kuvend si për kontaktet që kanë me qytetarët në terren.
Rama nuk la pa përmendur edhe prioritetet e projektbuxhetit për vitin e ardhshëm dhe kërkoi angazhim të deputetëve në diskutimin parlamentar të projektbuxhetit.
Në mbledhje u diskutua edhe mbi organizimin e Kongresit të jashtëzakonshëm të PS-së që pritet të mblidhet të fillim të nëntorit./ S.M
