Deputeti i partisë demokratike Tritan Shehu ka reaguar pas vendimit të GJKKO për masën ‘detyrim paraqitje’ për Sali Berishën.
Sipas Shehut, me tërheqjen e pasaportës diplomatike të ish-Kryeministrit po tentohet të izolohet kryetari i opozitës dhe të goditet vetë opozita.
Këto ndodhira, sipas tij, ndodhin vetëm në regjimet diktatoriale dhe në vendet më të errëta të botës.
Reagimi i Tritan Shehut:
Mos u shqetësoni, Berisha nuk “arratiset”! I tërhiqet “pasaporta” diplomatike ish-Presidentit, ish-Kryeministrit, deputetit, Kryetarit te opozitës. Tentohet te izolohet Kryetari i opozitës, te goditet opozita vete.
I hiqet e drejta e lëvizjes, e kontakteve politike kështu atij. Pa asnjë vendim te Parlamentit, siç e kërkon Kushtetuta. Për një çështje absurde, ku sidoqoftë ai nuk është as “aktor”. Tentative kjo për izolim te opozitës ne tërësi, goditje primitive ndaj saj.
Ndodhira këto vetëm me rrëgjimit diktatoriale ne vendet me te errëta të Botes. Ndalohet si kriminel “me armë në dorë” në publik familjari i tij, për një çështje të pronës familjare, të shumë viteve më parë për të cilën mund te thirrej, komunikuar akuza e ndjekur normalisht si në çdo vend civil të globit.
Një show ky, qe te kujton rrëgjimin e kaluar kur njerëzit arrestoheshin në këto mënyra barbare për te terrorizuar popullin.
Që të bën te përmendesh e të kuptosh se “historia” me e erret e këtij vendi mund te ripërsëritet për të gjithë, nëse njerëzit mendojnë “larg b… time”!/ S.M
