Rakip Suli është kryebashkiaku i radhës socialist i cili do të thirret në SPAK.
Prokuroria e posaçme konfirmoi pak javë më parë që ndaj tij ka nisur një hetim shpërdorim detyre. Prokuroria ka gjetur shkelje në kompensimin e rindërtimit.
Kanë qenë këshilltarët bashkiakë të Kamzës kanë kallëzuar në SPAK kryebashkiakun e tyre, Rakip Sulin.
Pas kallëzimit për veprat penale “Ushtrim i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tendera apo ankande publike” dhe “Korrupsioni pasiv i personave që ushtrojnë funksione publike”, SPAK regjistroi procedim penal.
Ndërkohë, kujtojmë se ditën e djeshme banorët e Kamzës janë paraqitur në ambientet e Prokurorisë së Posaçme për të dhënë deklarimet e tyre për kallëzimin e depozituar në SPAK pak javë më parë ndaj kryebashkiakut të Kamzës, Rakip Suli.
Banorët e akuzojnë kryebashkiakun për shkelje të barazisë në tendera dhe për korrupsion dhe në cilësinë e provave ata kanë paraqitur ndër të tjera edhe auditimin e KLSH-së, ku janë konstatuar shumë shkelje në Bashkinë e drejtuar nga Suli.
Më herët, më 11 shtator Partia e Lirisë dhe këshilltarët e koalicionit Bashkë Fitojmë në Kamëz, kallëzuan penalisht në SPAK, kryebashkiakun e Kamzës Rakip Suli./ S.M
