Mesditën e sotme thuajse i gjithë vendi është përfshirë nga moti i keq me reshje të dendura shiu të shoqëruara me shtrëngata dhe erë të fortë.
Në Durrës kanë mjaftuar pak minuta dhe rrugët janë përmbytur. Në rrugë të caktuara niveli i ujit është i lartë për shkak të bllokimit të kanalizimeve.
Në Vlorë është pezulluar lundrimi. Autostrada Tiranë-Durrës është bllokuar për disa minuta për shkak të rrëzimit të disa pemëve.
Aksi ka pasur mjaft vështirësi në qarkullim. Gjithashtu edhe në rrugë të tjera të vendit ka pasur probleme nga rrëshqitjet e dherave dhe gurëve./ S.M
