Faton Shoshi, menaxheri i Ledrit, konfirmoi se Ledri Vula dhe Sara Hoxha janë ndarë.
“Ekskluzivisht për Prive, [ndarja] është konfirmuar nga menaxheri i njohur, Faton Shoshi,” raporton Prive.al.
Kujtojmë se Faton Shoshi ka qenë menaxher i Ledrit për vite me radhë dhe më pas i dhanë fund bashkëpunimit, ndonëse mbetën miq. Në tetor të këtij viti, në një intervistë për emisionin “Canapé” në T7, Shoshi konfirmoi se ka marrë sërish Ledrin në menaxhim.
Ledri dhe Sara nuk kanë reaguar zyrtarisht për ndarjen. Në rrjet, po qarkullon edhe teoria se të gjitha aludimet për ndarje mund të jenë për qëllime marketingu, pasi në deklaratën për Prive, Faton Shoshi shtoi se së shpejti Ledri do të sjellë një këngë të re. Nga ana tjetër, Sara gjithashtu ka ngacmuar ndjekësit e saj se është duke punuar me një projekt të ri, për të cilin nuk ka zbuluar shumë detaje.
Sidoqoftë, e vërteta mbetet ende e paqartë. Deri tani, sipas Shoshit, Sara dhe Ledri nuk janë më bashkë.
Ledri dhe Sara, prej vitesh janë në një marrëdhënie dhe gjithashtu, janë prindër të një vajze, të quajtur Poem Blu./E.Ç
