Palestinezët që ikën në jug të Gazas, përmes një korridori evakuimi të krijuar nga Forcat e Mbrojtjes së Izraelit, përshkruan një realitet të rrëqethës në qytetin e Gazës, me sulme të vazhdueshme ajrore dhe pa ujë.
Një vajzë adoleshente tha se ndihej si “Nakba” ose katastrofa e vitit 2023 – termi arab për dëbimin e palestinezëve nga qytetet e tyre gjatë themelimit të Izraelit.
Një burrë që nuk dha emrin e tij i tha një gazetari të CNN në Gazën jugore se ai dhe fqinjët e tij kishin jetuar “ditë të tmerrshme”. Ai tha se ata kishin lënë shtëpinë e tyre në veri të Gazës dhe ishin zhvendosur disa herë, por se ishte e pamundur t’i shpëtonin sulmeve ajrore.
“Kjo luftë nuk la asgjë të sigurt – as kishat, as xhamitë apo asgjë. Sot, ata hodhën fletëpalosjen që na urdhëronte të largoheshim në zonën e pretenduar të sigurta. Tani jemi përtej kësaj zone të Wadi Gazës dhe ende po dëgjojmë bombardime. Nuk ka vend të sigurt në Gaza”, tha njëri nga palestinezët e evakuuar.
“Ne jemi shtatë familje. Të gjitha shtëpitë tona janë zhdukur. Nuk ka mbetur asgjë. Nuk mund të merrnim asgjë – as rroba, as ujë, asgjë. Rruga deri këtu ishte shumë e vështirë. Nëse diçka bie, nuk ju lejohet ta merrni atë. Nuk ju lejohet të ngadalësoni. Kufoma kudo”, rrëfeu një tjetër.
Gazetari tha se fluksi i njerëzve në rrugën Salah Al-Deen që po largoheshin nga Gaza veriore ishte shumë më i madh të mërkurën sesa të martën. OKB vlerëson se të martën, “deri në 15,000 njerëz mund të kenë kaluar” përmes korridorit. IDF të mërkurën zgjati një armëpushim katër-orësh me një orë, për shkak të numrit të madh të njerëzve që po largoheshin nga jugu./ S.M
