Reshjet e ditëve të fundit të rëna me intensitet të lartë nuk kanë sjell përmirësim të rezervave ujore në basenin më të madhë në vend, atë të ujëmbledhësit të Fierzës.
Pamjet tregojnë fundin e liqenit të Fierzës në afërsi të fshatrave, Bushat, Morin, Breg Lumë në Kukës.
Ndërsa përditësimi i të dhënave nga Heci i Fierzës thuhet se prej ditësh katër turbinat janë jashtë fuksionit e për pasojë edhe agregatët nuk prodhojnë asnjë kilovat energji elektrike, pasi niveli i ujit në basen është 266 metra nga 296 që ka kuotën maksimale liqeni i Fierzës.
Sipas përllogaritjeve historike të specialistëve, niveli i ujit kur ulet afër kufirit 265 metra turbinat e hidrocentralit të Fierzës nuk duhet të punojnë.
Nga ana tjetër reshjet e shiut kanë sjellë një 6-fishim të prurjeve, nga 40 metër kubë në sekondë që ishin para se të fillojnë reshjet deri në 200 metër kubë në sekond gjatë ditëve me reshje në përditësimin e fundit.
Pavarësisht se prurjet janë përmirësuar niveli i ujit thuajse nuk ka pësuar lëvizje e po ashtu turbinat vijojnë të mos lëvizin sipas të dhënave të KESH./e.t
