Sipas një sondazhi të kryer nga booking.com, dy në tre udhëtarë besojnë se japin më të mirën gjatë pushimeve. Për më tepër, një në dy përfiton nga udhëtimet për të kërkuar një vend me mot më të mirë, me një kosto jetese më të ulët duke i lejuar ata të rrinë më qetë e të harxhojnë më pak, të paktën gjatë pushimeve. Me pak fjalë, ka (të paktën) shtatë lloje turistëshmes nesh.
Zbuloni se cili jeni ju:
#1 Kameleoni
Ky lloj udhëtari pëlqen të mishërojë një version tjetër të vetes dhe mbështet idenë se njerëzit priren të tregojnë një anë tjetër të vetes gjatë udhëtimit.
#2 Entuziastët e ujit
Vapa e fortë po shtyn gjithnjë e më shumë turistë të kërkojnë klimë të freskët, kryesisht në vende me det, liqene etj. Këto udhëtime fokusohen te vende me banja termale, hotele nënujore, terapi e akullit, lundrime etj.
#3 Aventurierët
42% e turistëve thanë se janë të prirur të rezervojnë një udhëtim surprizë ku gjithçka, përfshirë destinacionin, nuk dihet deri në mbërritje. Në vitin 2024, udhëtarët më aventurierë, të lodhur nga monotonia e jetës së përditshme, duan të shmangin pushimet standarde. 47% preferojnë destinacione larg vendeve turistike, ndërsa një e treta (36%) do të donte të udhëtonte me të huaj.
#4 Të apasionuarit e ushqimeve
Gjatë festave të vitit 2024, të apasionuarit pas ushqimit do të jenë edhe më të interesuar për origjinën e pjatave të ndryshme dhe për të zbuluar specialitete të reja. Dy të tretat (62%) e personave që u pyetën në sondazh janë më të magjepsur nga historia e kënaqësive gastronomike në të kaluarën. Nëpërmjet turizmit kulinar, ata janë në kontakt me traditat, zonat gjeografike dhe produktet që përbëjnë bazën e kulturave ushqimore.
#5 Kërkuesit e qetësisë
Mes pasiguritë globale dhe një botë gjithnjë e më të ethshme, shumë njerëz rezervojnë udhëtime të përqendruara në kujdesin për veten për të rizbuluar stilin e jetës që dëshirojnë vërtet.
#6 Pushime si të pasurit
Me rritjen e kostos së jetesës, njerëzit në vitin 2024 përdorin truke për të kursyer para, por në të njëjtën kohë, ata kënaqen me luksin për të përjetuar emocionin e udhëtimit si të pasurit, qoftë edhe për një moment. Këta persona duan të duken të pasur.
#7 Miqësorë me mjedisin
Këta njerëz preferojnë vende me arkitekturë dhe me fokus mjedisin. Ata zgjedhin vendet që kontribuojnë në ruajtjen në mënyrën më të ndërgjegjshme dhe të përgjegjshme të mjedisit./E.Ç
