Megjithëse është gati të hap një kapitull të ri në jetën sentimentale, sidomos pas fotove që qarkulluan ku shfaqej në shoqërinë e mjekut ortoped Justin Saliman, sërish Sofia Vergara thotë se ky nuk ka qenë aspak një vit i lehtë për të.
“Kam pasur një vit shumë interesant. Nuk dua të them i keq apo diçka të tillë, por ka qenë shumë interesant dhe njëherësh shumë i vështirë,” u shpreh ajo për People.
“Kalova një divorc këtë vit, përjetova si unë dhe shumë kolegë grevën e aktorëve që zgjati gjatë”, vazhdoi ajo. “Kam parë miqtë e mi duke u përpjekur shumë, disa duhej t’i hiqnin fëmijët nga shkollat, të tjerë kishin probleme me shtëpitë, kështu që ka qenë një vit i çuditshëm. Mendoj se çdo gjë e ka një zgjidhje, ndaj jam shumë e emocionuar për vitin që po vjen,” shton Vergara.
Sofia dhe Joe Manganiello njoftuan ndarjen e tyre në korrik dhe bën kërkesën për divorc pak ditë më pas.
“Ne kemi marrë vendimin e vështirë për t’u divorcuar,” thanë ata për Page Six në një deklaratë të përbashkët në atë kohë. “Si dy njerëz që e duam dhe kujdesemi shumë për njëri-tjetrin, ne kërkojmë me mirësjellje respektimin e privatësisë, teksa po përjetojmë këtë fazë të re në jetën tonë”./E.Ç
