Zonja e Parë e Koresë së Jugut Kim Keon-hee ndodhet në Mbretërinë e Bashkuar ku ajo dhe bashkëshorti i saj Yoon Suk-geol po priten nga Mbreti Charles dhe Mbretëresha Camilla. Por ajo që ka shkaktuar bujë në rrjetet sociale është se zonja Hee, ish-drejtuese e një kompanie të organizmit të ngjarjeve artistike, është 51 vjeçe dhe duket të paktën 20 vite më e re.
Duke folur për Femail, një dermatologe kozmetike zbuloi se “pamja e jashtëzakonshme e zonjës Kim që sfidon moshën” mund t’i atribuohet një kombinimi trajtimesh të ndryshme.
Dermatologia Einas Mousa tha: “Fillers dhe botox përdoren për të arritur një pamje më të freskët pa pasur nevojë për kirurgji. Këto trajtime mund të ndihmojnë në zbutjen e linjave të holla dhe rivendosjen e volumit, duke i dhënë një pamje natyrale rinore.”
Pamja shkëlqyese e Hi i detyrohet edhe “makijazhit minimal” që përdor, por edhe kujdesit shumë të mirë që bën për lëkurën e saj.
“Çehrja e ndritur e Zonjës së Parë mund të jetë rezultat i një rutine të veçantë të kujdesit të lëkurës, ndoshta duke përfshirë kozmetikë të nivelit mjekësor dhe produkte të avancuara të kujdesit të lëkurës. Përveç trajtimeve profesionale, faktorët e stilit të jetesës si dieta e ekuilibruar, stërvitja e rregullt dhe hidratimi i duhur luajnë një rol të rëndësishëm në ruajtjen e një pamjeje rinore”, tha Einas.
Kim Keun Hee përdor grim minimal, duke theksuar sytë dhe buzët e saj. Flokët e saj janë gjithmonë të stiluar thjesht në mënyrë që të mos shpërqendrohen dhe të mos mbulojnë fytyrën që shkëlqen./E.Ç
