Trajneri i Liverpoolit, Jurgen Klopp, ka folur për median angleze për ndeshjen kundër Manchester City-t, duke thurur lëvdata për skuadrën e Pep Guardiolës:
“E shtuna është një ndeshje e rëndësishme, pa dyshim, kundër skuadrës më të fortë në botë në vitet e fundit. Është një detyrë e madhe për të gjitha skuadrat e futbollit në botë dhe për ne gjithashtu, por gjithsesi do të përpiqemi të marrim rezultatin e duhur”, është shprehur trajneri i “The Reds”.
Për Manchester City-n dhe serinë prej 23 ndeshjesh radhazi me fitore në shtëpi të kësaj skuadre, gjermani shtoi:
“Asgjë që mund të them nuk i bën më të dobët, nëse dalin në lojën e tyre, nuk ka asnjë skuadër që mund t’i mundë. Por nëse mund ta ndryshojmë këtë, ka një shans. Atëherë duhet të përfitojmë…
