Shqipëria bën sot 111 vjet shtet i pavarur. Festimet për atë që njihet ndryshe edhe si Dita e Flamurit, kanë nisur që prej mëngjesit të kësaj të marte.
Në Vlorë, në ceremoninë e ngritjes së Flamurit, mori pjese presidenti Bajram Begaj, kryeministri Edi Rama, homologu i tij nga Kosova Albin Kurti, si dhe kryeparlamentarja Lindita Nikolla. Kjo festë bëri bashkë Ramën dhe Kurtin, por jo opozitën dhe mazhorancën.
Ndërkohë nuk është e largët koha, kur në fakt në memorien e të gjithëve kanë qene dhe festimet për 100 vjetorin e Pavarësisë së Kosovës.
100 vjetori i pavarësisë së Shqipërisë u festua me anë të një torte gjigande rreth 550 metra katrorë, një element ky mjaft i vecantë në serinë e aktiviteteve. Copat e para të kësaj torte u ndanë prej kryeministrit që ishte në atë kohë në detyrë Sali Berisha, Presidentes së Kosovës Atifete Jahjaga dhe kryetarit të bashkisë Lulzim Basha.
Por menjëherë pas kësaj njerëzit u dyndën drejt tortës duke krijuar një situatë që nuk ishte parë ndonjëherë. Në video e publikuara, të cilat gjenden e sot gjerësisht në rrjet, qytetarët shtynin njëri tjetrin. Kishte qytetarë të cilët kishin marrë qese, ku fusnin brenda tyre copat e tortës.
Torta kishte shijen e shegës, duke simbolizuar bashkim dhe unitet për shqiptarët, ndërsa shqiponja ishte me shije cokollate. Anës torta ishte e zbukuruar me degë ulliri që simbolizonte begatinë dhe paqen. Për ndërtimin e tortës u shpenzuan rreth 100 mijë euro dhe u angazhuan rreth 200 pastiçierë. / S.M
