Vullkani Etna në Italinë jugore ka shpërthyer sërish. Aktiviteti vullkanik vazhdon në Malin Etna, i cili është afërsisht 3.300 metra i lartë, në ishullin e Siçilisë.
Krateri aktiv juglindor i vullkanit, i cili u aktivizua për herë të parë më 12 nëntor, shpërtheu sërish hi dhe llavë fundjavën e kaluar.
Rrjedhja e llavës u vëzhgua nga shpatet me borë të Malit Etna. Në deklaratën e bërë nga Instituti Kombëtar Italian i Gjeofizikës dhe Vullkanologjisë (INGV), thuhej se aktiviteti vullkanik në Etna ishte i kufizuar në kraterin juglindor.
Në shtyp thuhet se INGV-ja lëshoi një paralajmërim për avionët që kalonin nëpër rajon dhe se Aeroporti Fontanarossa në Catania nuk u dëmtua nga ky aktivitet i fundit vullkanik. Etna është vullkani më i lartë aktiv në Evropën kontinentale./E.T
