Mbahet këtë të dielë në Gjykatën Themelore të Prishtinës seanca gjyqësore ndaj tre të dyshuarve për vrasjen e Liridona Ademaj Murseli, mes të cilëve edhe bashkëshorti i saj, Naim Murseli. Në ambientet ku do të zhvillohet edhe seanca gjyqësore tashmë kanë arritur edhe familjarët të së ndjerës, raportojnë mediat.
Para fillimit të kësaj seance në hyrje të gjykatës janë parë edhe disa aktiviste për të drejtat e grave, të cilat kanë protestuar. “Nuk ka paqe pa sigurinë e grave”, thuhet në pankartën. 30 vjeçarja u vra mbrëmjen e së mërkurës me armë zjarri teksa ishte në makinë me bashkëshortin dhe dy fëmijët e tyre të mitur.
Në fillim u raportua si grabitje por më pas rezultoi se kishte qenë pikërisht bashkëshorti i saj, ai i cili kishte porositur vrasjen./O.S
