Nëse ndiqni tendencat e shëndetit, me siguri tashmë e dini se pirja e uthullës së mollës është e mirë për zorrët tuaja. Por a e dini se uthulla e mollës bën shumë mirë edhe për flokët?
Parukierët dhe dermatologët pajtohen se uthulla e mollës për flokët nuk është vetëm një modë e mirëqenies: përfitimet janë të shumta. Plus, nuk kërkon të hahet apo të pihet, mjafton që ta përdorni në vend të shampos ose balsamit.
Përfitimet e uthullës së mollës për flokët
Uthulla jo vetëm që i pastron flokët për të hequr çdo papastërti, por ndihmon në pasjen e një skalpi të shëndetshëm sepse ka veti anti-bakteriale dhe anti-mykotike.
Ruan ekuilibrin e pH
“Kërkimet vërtetojnë se lëkura e njeriut (përfshirë lëkurën e kokës) është më acide se flokët e njeriut, por në të njëjtën kohë, shumë produkte për kujdesin e flokëve janë shumë alkaline – që do të thotë se kanë një pH shumë të lartë,” thotë Adam Bennett, një parukier. Lajmi i mirë është se shtimi i një produkti me pH më të ulët (aciditeti më i lartë) si uthulla e mollës në lëkurën e kokës mund të ndihmojë në tonifikimin e lëkurës së kokës dhe ruajtjen e pH të duhur.
Heq papastëritë
Uthulla e mollës heq butësisht papastërtitë te flokët, mbetjet nga produktet si llaku apo xheli dhe ndotësit e mjedisit.
Qetëson kruajtjen e kokës
Për shkak se kjo uthull ka përfitime anti-inflamatore, mund të përmirësojë shëndetin e përgjithshëm të lëkurës së kokës, duke ndihmuar gjithashtu në reduktimin e kruajtjes.
Thekson shkëlqimin
Uthulla e mollës heq papastërtitë dhe mbyll kutikulat e qimeve, gjë që i bën flokët më reflektues ndaj dritës dhe më me shkëlqim. Kapacitetet pastruese të uthullës së mollës jo vetëm që i bëjnë flokët dhe skalpin jashtëzakonisht të pastër, por ato ndihmojnë në rikthimin e shkëlqimit brenda pak kohësh.
Lufton flokët e yndyrshëm
Meqenëse uthulla e mollës punon për të balancuar pH e flokëve dhe kokës, ajo e lë atë të përgatitur për funksionim optimal. Kur skalpi funksionon në mënyrë optimale, prodhon më pak vaj, thonë ekspertët./E.Ç
