Gjëja e parë që duhet të keni parasysh kur përdorni produkte kozmetike pas datës së skadencës, janë rreziqet shëndetësore. Infeksionet, dermatiti, ekspozimi ndaj mikrobeve mund të shkaktojë probleme serioze shëndetësore. Pra, kur duhet t’i hidhni produktet e make up-it që të mos rrezikoheni nga këto efekte?
-Buzëkuqi: Një deri në tri vjet
Duhet të shikoni nëse produkti përmban ujë apo jo. Nëse nuk përmban ujë, atëherë është mirë të përdoret deri në tre vjet, veçanërisht nëse e përhapni me një furçë buzësh për të shmangur rreziqet. Nëse formula përmban ujë, është mirë deri në një vit.
-Shkëlqyes buzësh: Një vit
Sa i përket produkteve për buzët, shkëlqyesi ka jetëgjatësinë më të shkurtër. Për shkak se furça e produktit prek buzët tuaja drejtpërdrejt, një vit është periudhë normale për t’u përdorur.
-Blushi për faqet: Tri vjet
Nëse jeni duke përdorur një blush të lëngshëm, pudër ose krem, përveç nëse e prekni drejtpërdrejtë lëkurën, mund ta përdorni deri në tri vjet.
-Bronzer: Tri vjet
Njësoj si edhe në produktet e tjera të grimit, gjithçka varet nga formula. Bronzeri njësoj si edhe blushi mund të përdoret deri në tri vjet.
-Fondatina: Dy vjet
Krem, pluhur ose fondatina e lëngshme ka një jetëgjatësi deri në dy vjet. Për formulat e lëngshme, ekspertët e bukurisë thonë se nëse shihni që produkti ka nisur të ngurtësohet e të copëzohet, ky është momenti për ta hedhur.
-Rimeli: Një deri në tri vjet
Rimelët që përmbajnë ujë duhet të përdoren vetëm për një vit pasi e përdorni afër zonës së syve. Nëse është pa ujë, që përfshin shumicën e formulave të pluhurit, mund të zgjasë diku nga dy deri në tre vjet.
-Peneli: Tri deri në gjashtë muaj
Për shkak se peneli aplikohet shumë afër zonës së syve, ekspertët thonë se duhet ta zëvendësoni çdo gjashtë muaj. Duke u përdorur afër syve, rreziku për infeksion është goxha i madh.
-Bojë për vetulla: Tri deri në gjashtë muaj
Njësoj si me penelin, boja për vetullat ka një rrezik të lartë infeksioni për shkak të përdorimit afër me sytë.
-Korrektor: Gjashtë muaj deri në dy vjet
Korrektorët e lëngshëm në përgjithësi zgjasin diku nga gjashtë muaj deri në një vit, formulat e kremit nga 12 deri në 18 muaj dhe pluhurat për dy vjet.
-Manikyri: Tri vjet+
Duke qenë se nuk duhet të shqetësoheni për acarimin nga manikyri, mund ta zgjasni përdorimin derisa të shihni ngurtësim apo çarje në produkt ose nëse ngjyra duket e çuditshme në thonjtë tuaj.
-Parfumi: Tri deri në pesë vjet
Aromat mund të zgjasin shumë, veçanërisht kur ruhen siç duhet. Por, sapo aroma fillon të ndryshojë në ngjyrë ose të ketë aromë të çuditshme, atëherë kjo është koha për ta hedhur./E.Ç
