Chiara Ferragni kërkon falje e përlotur për skandalin me panetonen Balocco

113 563 lexime

124,178FansaPëlqeje

Influencerja e famshme Chiara Ferragni e përlotur ka komentuar në një video të postuar në Instagram, skandalin me panetonen dhe gjobën 1 milion euro ndaj saj nga Antitrust.

“Unë kam qenë gjithmonë e bindur se ata që janë më fatlumët në këtë jetë kanë përgjegjësinë morale për të bërë mirë.

Këto janë vlerat që më kanë shoqëruar gjithmonë mua dhe familjen time. Kjo është ajo që ne u mësojmë fëmijëve tanë. Ne gjithashtu i mësojmë atyre se gabimet mund të bëhen dhe se kur ndodh, duhet ta pranojmë, dhe nëse është e mundur, ta korrigjojmë gabimin e bërë dhe ta vlerësojmë atë.

Dhe këtë dua të bëj tani. Do të kërkoj falje dhe do të dhuroj 1 milion euro për Regina Margherita për të mbështetur kujdesin e fëmijëve.

Por kjo nuk është e gjitha: po e bëj publikisht sepse kuptova se kisha bërë një gabim në komunikim. Një gabim që do ta vlerësoj në të ardhmen, duke e ndarë tërësisht çdo aktivitet bamirësie, që kam bërë dhe do ta bëj gjithmonë, nga aktivitetet tregtare. Sepse edhe nëse qëllimi përfundimtar është i mirë, nëse nuk ka pasur kontroll të mjaftueshëm mbi komunikimin, ai mund të gjenerojë keqkuptime.

Siç e kam thënë edhe ditët e fundit, do ta kundërshtoj dispozitën e AGCM sepse e konsideroj disproporcionale dhe të padrejtë. Gabimi im i sinqertë ishte lidhja e një aktiviteti tregtar me një aktivitet solidar me komunikimin. Fatkeqësisht ndodh që mund të bëjmë një gabim, më vjen keq që e kam bërë dhe e kuptoj që mund të kisha qenë më vigjilente.

Por, nëse sanksioni përfundimtar duhet të jetë – siç shpresoj – më i ulët se ai i vendosur nga AGCM, diferenca do t’i shtohet miliona eurove.

Lexo edhe :  Reagimi gazmor i qenit kur zbuloi se pronari i tij e kishte vënë atë në dietë

Në ditët në vijim do të flas me Regina Margherita për të kuptuar sesi spitali do ta përdorë shumën që kam dhuruar dhe do t’ju jap periodikisht përditësime.

Gabimi im mbetet, por dua të siguroj që nga ky gabim të lindë diçka konstruktive dhe positive”, është shprehur biznesmenia në video.

Kujtojmë se Autoriteti i Konkurencës në Itali dënoi marketingun e bërë nga influencerja dhe grupi Balocco pasi sipas tyre mashtroi konsumatorët, duke reklamuar se për çdo panetone të blerë, një pjesë shkonte për bamirësi. Sipas tyre kjo histori është përdorur vetëm për të rritur shitjet dhe për asgjë më tepër./E.Ç

 

View this post on Instagram

 

A post shared by Chiara Ferragni ✨ (@chiaraferragni)

Të fundit

Gjunjëzimi i PD para “Kandidatit për Kryeministër”

Nga Mero Baze Në fillim, kur kriza shpërtheu dhe PD u nda mes Berishës dhe Bashës, Berisha i lejoi të...

“Rrugë që ndihmon zhvillimin bujqësor të zonës”/ Balluku inspektim në Lushnje

Zëvendëskryeministrja, njëherësh Ministre e Infrastrukturës dhe Energjisë, Belinda Balluku ishte në një inspektim në Lushnje, aty ku vijon puna për rehabilitimin e plotë të...

Lëkundjet sizmike në Santorini, autoritetet greke: Tërmeti kryesor nuk ka ndodhur ende

Komiteti Ndërdisiplinor për Menaxhimin e Rrezikut dhe Krizave i Universitetit Kombëtar të Athinës (NKUA) raporton të dhëna të reja interesante për tërmetet në Santorini...

Shqiptarëve iu duhet një kryeministër që i kupton! Shkruar nga Pamfleti

Nga Spartak Ngjela Çdo popull duhet domosdoshmërisht të ketë liderët dhe drejtuesit e vet etnikë. Që të kuptosh të tashmen historike të një shteti duhet ta...

Banka që prisnim prej 10 vitesh

Nga Fatos Çoçoli Më 25 janar 2025 doli për diskutim publik projektligji i qeverisë për Bankën Shqiptare të Zhvillimit(https://www. konsultimipublik. gov. al/Konsultime/Detaje/ 817). Fillimisht, kjo...

Lajme të tjera

Web TV