Kryeministri Edi Rama e ka nisur këtë të enjte me punonjësit e zjarrfikësve.
Me anë të një statusi në rrjetet sociale, Rama thotë se 586 punonjës të shërbimit zjarrfikës do të përfitojnë nga shpërblimi i fundvitit.
Kreu i qeverisë deklaron se zjarrfikësit do të marrin një pagë shtesë, ndërsa 38 efektivët e Forcave të Armatosura që ndihmuan Greqinë për të shuar zjarret do të marrin dy paga shtesë.
“Mirëmëngjes,
dhe me lajmin e mirë se këtë fundvit do të japim një pagë shtesë si shpërblim të veçantë për 586 punonjësit e shërbimit zjarrfikës, si dhe dy paga shtesë për 38 efektivët e Forcave të Armatosura të angazhuar në misionin e ndihmës po për zjarret në shtetin fqinj të Greqisë, ju uroj një ditë të bukur”, shkruan Rama./ S.M
