Reshjet e dëborës kanë mbuluar zonat malore të Shkodrës këtë të premte. Aksi Bogë-Theth sipas ARRSH është i hapur për automjetet por kalimi duhet bërë me zinxhir dhe goma dimërore.
Ndryshe nga zonat malore mbi 1200 metra, pjesa tjetër e territorit është përfshirë nga vranësirat dhe reshjet e pakta të shiut.
“Duke filluar nga dita e shtunë, nuk pritet të kemi prezente reshje, do kemi mbizotërim të intervaleve me kthjellime dhe kalime të pakta të vranësirave.”
Përgjatë fundjavës temperaturat e ajrit do të pësojnë një rritje të ndjeshme.
“Parashikohet që dita e dielë të sjellë maksimumi edhe në 18 gradë, përgjatë qyteteve bregdetare, ndërsa në qytetet e zonës së ulet priten nga 15 në 16 gradë c, që janë temp më të larta sa i përket dhjetorit.”
Për Krishtlindje moti parashikohet pa reshje, paraditja e së hënës do të mbizotërohet nga kthjellimet.
“Pjesa e dytë sjell kalime të pakta të vranësirave të fokusuara në zonat veriore, verilindore. Nuk ka sinjale për reshje dëbore sa i përket Krishtlindjes.”
Sinjalet janë që java e fundit e vitit të mbyllet me mot të qëndrueshëm./O.S
