Prokuroria e Posaçme i dha leje Fredi Belerit, kandidatit të zgjedhur të Bashkisë së Himarë, për t’u liruar disa orë nga burgu në mënyrë që të marr pjesë në një ceremoni mortore të një familjari të tij.
Ai do të shoqërohet në bazë të një plani masash nga Drejtoria e Përgjithshme e Burgjeve për në Himarë dhe pas përfundimit të ceremonisë mortore do të rikthehet sërish në paraburgimin e Fierit.
Beleri ndodhet në qeli që prej majit të këtij viti me dyshimet se bashkë me Pandeli Kokaveshin, është përfshirë në korrupsion zgjedhor në vendoret e 14 Majit.
Më herët, Beleri kishte këruar leje për t’u betuar, por kjo kërkesë nuk iu pranua pasi u gjet pa bazë ligjore nga Gjykata./O.S
