Një aksident automobilistik i cili po hetohet si akt terrorist, ka ndodhur në Rochester, New York, gjatë një koncerti të organizuar me rastin e festave të fundvitit.
Një automjet tip “SUV Ford” dhe një automjet tip “Mitsubishi” janë përplasur duke dëmtuar edhe disa këmbësorë aty pranë.
Mediat e huaja raportojnë se nga aksidenti kanë humbur jetën dy pasagjerë të cilët ndodheshin në automjetin “Mitsubishi:, si dhe është dërguar në spital, në gjendje kritike për jetën, shoferi i po këtij automjeti.
Ndërsa shoferi i automjetit “Ford” ndodhet në spital jashtë rrezikut për jetën.
Po ashtu, 3 këmbësorë janë plagosur nga përplasja e dy makinave, të cilët aktualisht janë në spital dhe njëri prej tyre është në plagosur rëndë.
Policia amerikane dyshohet se aksidenti mund të ketë qenë i qëllimshëm nga një prej shoferëve, si një akt terrorist.
Pas shuarjes së flakëve që përfshinë makinën “Mitsubishi”, policia gjeti në brendësi të saj disa bombula gazi që ishin të mbushura.
Shoferi i këtij automjeti kishte lënë më parë në një hotel një shënim ku shprehej se donte të kryente vetëvrasje.
Gjithashtu, familjarët e tij kanë deklaruar se ai vuante nga bipolariteti, por kjo nuk është ende e vërtetuar nga një raport mjekësor./O.S
