Ish-ministri i Mbrojtjes Fatmir Mediu është thirrur sot në SPAK për çështjen “Gerdeci”. Pas dëshmisë ai ka thënë për mediat se nuk ka shkelur në asnjë moment ligjin, po gjithmonë ka respektuar vendimet e Këshillit të Ministrave.
Ish-ministri nënvizoi se asnjëherë nuk ka shkelur autoritetin e Forcave të Armatosura.
“Çështjet që ngriti sot Pinari, nuk janë çështje të ministrit. Vendimi i Këshillit të Ministrave përcakton disa detyra. NË FA nuk mund të ketë urdhër ministri. E gjithë kjo situatë qartësoi një gjë, që ministri i Mbrojtes ka zbatuar vendimet ligjore dhe vendimet e VKM-së. Zoti Pinari ka qenë një nga dëshmirarët më atë që ka ndodhur në Gerdëc. Mendoj që me këtë çështje e kemi detyrim të them se çfarë është e vërteta. Është hedhur shumë baltë ndaj meje,. Kjo është çështje që nuk ka të bëjë me ministrin. Nuk kemi shkelur asnjëherë autoritetin e Forcave të Armatosura”, u shpreh Mediu.
Sot më herët në GJKKO u paraqit edhe Ylli Pinari, ish-drejtor i kompanisë “Meico”.
Ai dëshmoi në procesin gjyqësor ndaj ish-ministrit të Mbrojtjes, Fatmir Mediu, në lidhje me çështjen “Gërdeci”. Ylli Pinari tregoi se si ishte vënë në kontakt me Patrik Henrin, përfaqësuesin e SAC, kompanisë së përfshirë në demontimin e armëve në Gërdec.
Gjithashtu ai foli edhe për ortakërinë e Patrik Henrit me Mihal Delijorgjin, të cilët ishin bashkaksionerë në kompaninë “Albademil”. Kujtojmë se Ylli Pinari ka qenë i dënuar në procesin “Gërdeci”, por më pas ai përfitoi lirinë me kusht./E.T
