Dy të arrestuarit që po ndiqen penalisht për vrasje me dashje, ndërprerje të shtatzënisë me dhunë, grabitje, si dhe për armëmbajtje pa leje dhe përdorim të paligjshëm dhe mëngjesin e sotëm janë dërguar në Gjykatën e Selanikut.
I pari që ka kaluar “pragun” e hetuesisë ka qenë 34-vjeçari, i cili sipas informacioneve ka pohuar se partneri i 41-vjeçares ka qenë ai që i ka marrë jetën gruas.
Ai tha se 39-vjeçari ia mbylli gojën dhe e lidhi gruan dhe se ai e ndihmoi atë që të mbante trupin.
“Unë isha aty për ta ndaluar sepse pranova ofertën e tij për të bërë një grabitje të rreme pa u lënduar vajza. Kur mori thikën në duar, më kërkoi të largohesha. Dola nga pallati dhe prita në makinë. Pastaj erdhi dhe më tha se e kishte vrarë. Pranova ta lëviz trupin, pasi kisha frikë se mos e pësoja edhe unë”, mësohet se ka thënë ndër të tjera ai.
“Nuk dija asgjë. 39-vjeçari kishte planifikuar gjithçka. Kisha frikë për mua dhe familjen time. E pranoj që kam ndihmuar në transport me bagazhin”, tha ai.
Partneri vrasës gjatë hetimeve paraprake mohoi përfshirjen e tij në vrasje dhe pretendoi se atë natë kishte fjetur “rëndë”, pasi kishte marrë qetësues, megjithëse lëvizjet e tij kanë qenë të regjistruara në video dokumente të ndryshme dhe që ata e mohojnë./O.S
