Studimet e reja po na japin lajme të mira dhe mbase tani do jetë më e lehtë për të gjithë ju që të humbni kilet e tepërta. Një studim i publikuar në revistën shkencore “Plus One” ka marrë nën shqyrtim plot 10 studime qe lidhin efektet e kërcimit me fizikun e personave obezë.
Duke u krahasuar me një stil jetese normal që nuk përfshin edhe aq aktivitet fizik, kërcimi u tha se ka një rol të rëndësishëm në uljen e masës dhjamore, rregullimin e masës muskulare, hollimin e belit dhe uljen e përqindjes së dhjamit në trup.
Trajnuesit profesionistë e kanë mbështetur këtë lajm akoma më shumë duke pranuar se humbja në peshë mund të kthehet në argëtim për ata që nuk përshtaten dot me ushtrimet në palestër ose aktivitete të tjera më të rënda. Kërcimet aerobike, ose ato disi më intensive janë opsioni që sugjerohet për t’ia nisur nga puna në bazë të qëllimit personal. Nëse do ta nisësh pak më lehtë, ka gjithmonë opsione online që e bëjnë stërvitjen argëtuese me kërcim.
Duke i shtuar efekteve të mira të lëvizjes pas muzikës edhe atë që ka në humor, kërcimi mund të jetë zgjidhja jote për të qenë më mirë fiizikisht./E.Ç
