Sharon Stone foli për përvojën e saj me takimet nga aplikacionet e njohjeve. Në një intervistë të re për gazetën britanike “The Times” të publikuar të premten, më 26 janar, aktorja 65-vjeçare ka kujtuar se një burrë që takoi ishte i dënuar, ndërsa një tjetër përdorues heroinë.
Konkretisht, ajo komentoi se ishte, “një i varur nga heroina, i cili kishte qartësisht 20,000 injeksione heroine në fotografinë që më dërgoi”.
Stone e takoi këtë të fundit në hotelin Bel-Air në Los Anxhelos dhe tha për takimin e tyre se i kërkoi kamarierit vetëm një gotë ujë, ndërsa zotërisë i tha se nuk qëndronte dot më gjatë.
Megjithatë, Stone pranoi se ajo ka pasur edhe disa përvoja pozitive me aplikacionet e takimeve, duke përfshirë dy marrëdhënie që qëndruan online gjatë pandemisë COVID-19.
Dhe kur bëhet fjalë për jetën e saj të dashurisë, Stone ka shpresa të mëdha për vitin 2024. “Ky është viti që unë dua të dashurohem, 100 për qind ,” tha ajo për Times./E.Ç
