Ngjarja e para disa ditëve në qytetin e Tiranës, ku një element skele ka rrëshqitur nga katet e larta të një objekti në ndërtim, duket se ka marrë një tjetër dinamikë. Raportohet se ngjarja ka qenë një aksident i shkaktuar nga nënkontraktori i shoqërisë “Arlis Ndërtim”. Pas shoqërimit në polici të nënkontraktorit, punëtorit të tij dhe inxhinierit HSE të shoqërisë është hedhur më shumë dritë mbi ngjarjen.
Ngjarja ka ardhur si pasojë e një aksidenti, por instancat ligjzbatuese kanë konstatuar se kantieri i ndërtimit plotësonte të gjitha kushtet tekniko-ligjore sipas ligjeve të ndërtimit dhe ligjeve për shëndetin dhe sigurinë në punë.
Fatmirësisht ky aksident ka shkaktuar vetëm dëmtime të lehta në dy kalimtaër të rastit.
Të dy kalimtaret janë në gjendje shumë të mirë shëndetësore dhe kanë lënë ambjentet e spitalit, prej disa ditësh tashmë.
Të dhëna nga Spitali Universitar i Traumës raportojnë se shoqëria “Arlis Ndërtim” ka mbuluar të gjitha shpenzimet spitalore për dy të plagosurit lehtë dhe ka shprehur keqardhjen për situatën e shkaktuar në momentin e aksidentit./ e.t
