Avokatja e divorceve të V.I.P-ave thotë se kjo është arsyeja pse çiftet ndahen

113 563 lexime

124,178FansaPëlqeje

Nëse keni dëgjuar për divorcet më të bujshme këto 30 vitet e fundit, me siguri që keni dëgjuar edhe për emrin e Laura Wasser. Avokatja e njohur e divorceve me një karrierë të gjatë profesionale në këtë fushë, liston emra të tillë VIP në çështjet e saj ligjore, si Kim Kardashian, Britney Spears apo Ariana Grande.

Duket se divorcet e të famshmëve nuk janë aq të ndryshme nga ndarjet civile, përveç milionave që “luhen” në mes. “Unë gjithmonë them se divorci është momenti që barazon të gjithë çiftet,” thotë Wasser. “Njerëzit përjetojnë të njëjtën frikë dhe dhimbje zemre, pavarësisht nëse janë të famshëm apo jo”.

Por, përveç fakteve, motivet që çojnë drejt ndarjes shumë çifte janë thuajse të njëjta për të gjithë. “Arsyeja pse njerëzit divorcohen është sepse ata nuk komunikojnë,” thotë avokatja e njohur.

Një lidhje jashtëmartesore, probleme me alkoolin, paaftësia për të komunikuar dhe për të “gjetur gjuhën” në mesin e problemeve janë disa nga shkaqet që i çojnë partnerët në dyert e gjykatave.

Këshilla e avokates është që t’i jepni përparësi bisedave të rëndësishme përpara se të thoni “Po” në altar. Diskutime të tilla se, a duhen dërguar fëmijët në shkolla shtetërore apo private? A duhet të jetojnë prindërit me ju apo vetëm në moshën e pleqërisë? Këto, por edhe shumë tematika të tjera duhet të ceken përpara martesës në mënyrë që t’i kurseni vetes ca para dhe dhimbje zemre gjatë rrugëtimit martesor.

Nevojat e partnerëve mund të ndryshojnë gjatë rrjedhës së martesës, në këtë rast komunikimi i mirë është çelësi.

Duke bërë biseda të vështira para ose në fillim të martesës, ju mund të kultivoni zakone të shëndetshme komunikimi që ju shërbejnë më mirë juve dhe partnerit/es tuaj/suaj./E.Ç

Të fundit

40 infermierë të rinj u bashkohen ekipeve shëndetësore në Tiranë

Ekipeve shëndetësore në rajonin e Tiranës u janë shtuar 40 infermierë të rinj. Ministrja e Shëndetësisë dhe Mbrojtjes Sociale, Albana...

Rama: Nga e hëna do sekuestrohet çdo shishe qumështi dhe bulmet pa faturë

Kryeministri Edi Rama, në takimin me kryebashkiakët e vendit, tha se nga e hëna do të sekuestrohet çdo shishe qumështi dhe bulmet tjetër që është pa...

Rama bën për “ujë të ftohtë” Gledjan Llatjan: Bari në varreza po bëhet kallam

Kryeministri Edi Rama nuk ka “kursyer” gjatë takimit me kryebashkiakët e vendit, as të parin e qytetit të Elbasanit, Gledjan Llatjan. Teksa mori një për...

A tolerohej prostitucioni në Gjermaninë naziste?

Një pasqyrë historike mbi një kapitull të errët të sistemit të kampeve të përqendrimit Ndërsa ideologjia e Rajhut të Tretë predikonte moral të hekurt, “pastërti...

Punëtorë që meritojnë dyfishin e pagës, është e pabesueshme çfarë arrijnë në punë!

Në çdo profesion ka njerëz që thjesht bëjnë detyrën e tyre, por ka edhe të tillë që shkojnë shumë përtej saj. Janë ata që nuk...

Lajme të tjera

Web TV