Inflacioni në eurozonë po bie më shpejt sesa u rrit dhe se kjo mund të jetë koha për kthimin e politikës monetare.
Lidhur me këtë gazetari Klodian Tomorri në një studio televizive, u shpreh se pas nisjes së luftës Rusi-Ukrainë bankat rritën normën e interesit në mënyrë agresive.
Ai tha se Eurozona mund të ulë normat e interesit nga muaji gusht dhe sipas tij ekonomia evropiane do t’i vuajë për një periudhë të gjatë pasojat e dy krizave të fundi
“Ajo që ndodhi pas dallgësh së krizës që shkaktoi lufta në Rusi u vu re se bankat shtrënguan politikën, reaguan për të përmbajtur rritjen e çmimeve sepse politikbërja të vetmin instrument që ka për të ndikuar në rritjen e çmimeve është rritja e normës së interesit duke e bërë lekun, dollarin, euron më të shtrenjtë në varësi të vendit duke bërë që inflacioni të ndalë rritjen apo të nisë të bjerë.
Pas kësaj vale të gjitha bankat qendrore kryesore rritën normat e interesit në mënyrë agresive sepse dhe çmimet ishin duke u rritur në mënyrë agresive. Ato kaluan në 4-5-6% në varësi të vendeve. Por kur një bankë rrit normën e interesin ajo ngadalëson rritjen ekonomike dhe në Evropë ka qenë pyetja se kur do fillojnë bankat qendrore që të ulin normat e interesit për të nxitur ekonomin
Deri tani nuk ka patur një fillim të lehtësimit të politikës monetare. Është folur shumë se mund të fillojë, në eurozonë mund të fillojë nga vera, por mesa duket rënia e inflacionit ka ngritur zërat se mund të nisë më shpejt në Evropë.”
Më tej ai shtoi se normat e inflacionit nuk bëhen në bazë të një produkti por ai përfshin të gjithi shpenzimet që bën jo vetëm produktet, por dhe shërbimet që një konsumator konsumon në jetën e tij të përditshme.
“Llogaria nuk mund të bëhet me një produkt. Ashtu siç mund të ketë produkte dhe shërbime për të cilat shërbimi jo vetëm që nuk është rritur por ka rënë krahasuar me një vit më parë. Problemi Gjermanisë është më i thellë se sa thjesht një cikël i rënies ekonomike sepse në finale ekonomia është me cikle.
Ka periudha që rritet më shpejt dhe periudha më të ngadalta por problemi që po diskutohet me Gjermaninë është nëse po i vjen fundi asaj që bota e ka njohur si industrinë më të madhe, duket sikur ka një problem të humbjes së kokurueshmërisë gjermane. Sa i përket që ulja inflacionit duhet të ishte shoqëruar me një rritje më të shpejtë ekonomike ato nuk janë të lidhura domosdoshmërish, sigurisht që mbajta e inflacionit në nivele të moderuara është një parakusht për të pasur rritje ekonomike.
Duket që ekonomia evropiane do i vuajë për një kohë të gjatë pasojat e zhvillimeve që kanë ndodhur vitet e fundit pas pandemisë. Ekonomia shqiptare ndjek trendin e ekonomisë italiane. Gjysma e inflacionit në Shqipëri erdhi prej rritjes së marzhit të fitimeve të bizneseve.”, tha Tomorri./e.t
