Influencuesit e rrjeteve sociale në vendet që përbëjnë një sasi të madhe të emigrimit të paligjshëm në MB, përfshirë këtu edhe Shqipërinë, The Times thotë se do t’u ofrohen mijëra paund për të publikuar ligjet e reja të imigracionit, duke përfshirë kërcënimin e dëbimit në Ruandë.
Sipas medias, në Shqipëri është zgjedhur tashmë një listë e ngushtë e influencuesve, me ndihmën e një konsulence private tregu, e cila përfshin një reper, dy aktorë humori, blogerë, personazhe televizive dhe një shkrimtar udhëtimesh. Home Office ka një buxhet prej rreth 30,000 £ për të paguar influencuesit shqiptarë, të cilët janë zgjedhur për aftësinë e tyre për të tërhequr të rinjtë. Ajo do të kufizohej në 5,000 £ për person.
Një reper i njohur si Omg Dioh, i cili ka më shumë se 100,000 ndjekës të TikTok, u zgjodh si një kandidat i përshtatshëm sepse ai “përdor platformën për të ndikuar dhe edukuar të rinjtë që të punojnë shumë dhe të ndjekin pasionet e tyre”. Një tjetër influencues është Roxhi Dibrani, një aktor humori me 150,000 ndjekës, i cili ka një “theks të fortë të shqipes veriore, që mund ta ndihmojë atë të shpërndajë mesazhe më lehtë tek të rinjtë e vendosur në rajonet tona të synuara”.
Fabio Daja, me 109,000 ndjekës, është përshkruar si një “ndikues i stilit të jetës” i cili “kujdeset për çështjet dhe ndan në mënyrë aktive opinionet e tij në një mënyrë qesharake optimiste”.
Ben Ëashburn, një bloger amerikan i udhëtimeve me më shumë se 100,000 ndjekës, ra në dashuri me Shqipërinë gjatë udhëtimeve të tij dhe “ngjall dëshirën për të eksploruar dhe dashur më shumë Shqipërinë”.
Vendimi për të paguar influencuesit përshkruhet si “novator” në një dokument qeveritar. Ideja erdhi në Doëning Street nga Cass Horoëitz, eksperti i mediave sociale pas “Brand Rishi”. Suella Braverman mësohet se i ka bllokuar këto plane kur ishte ministre e Brendshme me pretendimet se ato ishin “të pavlera”, por pas largimit të saj nga qeveria, kjo ide do të vihet në zbatim, shkruan më tej media.
Procesi është krijuar për të shmangur ndalimin e përdorimit të TikTok nga qeveria, i cili u prezantua vitin e kaluar pas shqetësimeve të sigurisë. Do të thotë që Home Office nuk mund të reklamojë drejtpërdrejt në TikTok. Fushatat masive reklamuese do të zhvillohen në Shqipëri, Irak, Egjipt dhe Vietnam, me plane për t’i prezantuar ato në Turqi dhe Indi.
TikTok përdoret nga kontrabandistët e njerëzve për të reklamuar migrimin me gomone. Ky veprim është pjesë e një fushate reklamimi prej 1 milion £ që do të prezantohet së bashku me zbatimin e politikës së Ruandës të Home Office në pranverë.
Plani për të paguar influencuesit është faza tjetër e fushatës reklamuese të Home Office në vend, e cila ka nisur për tre vitet e fundit. Ai ka përfshirë reklama të markës së qeverisë së Mbretërisë së Bashkuar në mediat sociale, TV dhe radio, duke paralajmëruar për pasojat e udhëtimit ilegal në MB. Departamenti tha se reklamat e tij në mediat sociale kishin arritur në 946,000 njerëz – rreth një e treta e popullsisë së Shqipërisë – dhe kishin tërhequr 231,000 klikime në faqen e internetit. Fushata reklamuese do t’i kushtojë Home Office 380,500 £./O.S
