Rasti i tij u njoh me emrin çështja Bygmalion, pas emrit të firmës në fjalë. Vendimi sotëm erdhi nga gjykata e apelit në Paris që konfirmoi vendimin e shkallës më të ulët për fajësi. Shkalla e Parë kishte vendosur në fakt 1 vit, por Apeli e uli në 6 muaj me kusht.
Avokati i ish-Presidentit francez tha se do të apelojë kundër këtij vendimi. Kjo do të thotë se vendimi nuk mund të kryhet ende. Nëse konfirmohet, me shumë mundësi Sarkozy do të detyrohet që të mbajë një byzylyk elektronik, shërbim në komunitet ose të paguajë një gjobë.
Prokurorët thanë se partia e Sarkozy-t shpenzoi dyfishin mbi kufirin prej 22.5 milionë Eurosh në fushatë. E për të fshehur shpenzimet, i kërkoi firmës Bygmalion që të faturonte partinë dhe jo fushatën. Prokurorët pranuan se nuk mund ta provojnë nëse Sarkozy organizoi apo ishte i përfshirë në këtë skemë, ama sipas tyre, ai ka qenë në dijeni të kësaj ngjarje.
Sarkozy shërbeu në një mandat si president i Francës, deri në vitin 2012. Ai përshtati politika të forta kundër emigracionit dhe luftoi që të reformonte ekonominë franceze në një presidencë në hije për shkak edhe të krizës financiare botërore. Që kur humbi zgjedhjet përballë Francois Hollande ai është shënjestruar nga disa hetime kriminale të ndryshme.
Në vitin 2023 atij iu dha një dënim se ishte përpjekur që të korruptonte një gjykatës në vitin 2014. Ai mori 3 vite burg, duke përfshirë dy me kusht, por apeloi kundër vendimit. 68-vjeçari është i pari ish-president francez që merr një dënim me burg. Telashet për Sarkozy nuk kanë të ndaluar pasi vitin e ardhshëm do të gjykohet nëse mori fonde të paligjshme në fushatën e vitit 2007 nga diktatori i ndjerë i Libisë, Muammar Gaddafi./O.S
