Gjatë Konferencës së Sigurisë e cila po mbahet në Mynih Kryeministri, Edi Rama nuk ka kursyer batutat kur është pyetur për raportet me Greqinë dhe kërcënimet e tyre për vendosjen e vetos ndaj Shqipërisë në procesin e integrimit. Ai përmendi kafen turke në përgjigjen e tij por në fund e sqaroi se e tha për faktin se në Gjermani ka shumë turq.
“Së pari më duhet të them po kërkoni ekspresin e pamundur këtu në Gjermani do ta zbatoj këtë ekspres në fakt këtu më shumë se sa ekspres është kafe turke. Kjo kafe do përbëhej nga uji që do të thotë çdo gjë do jetë në rregull, nga njëlloj mase pluhuri kafe që nënkupton shpresoj që të jemi tashmë të shkëputur nga Maqedonia e Veriut. Ishim në çift nuk na lejuan të hidhnim asnjë hap tjetër për shkak të një situate që nuk lidhej me Shqipërinë por me Bullgarinë.
Meqë ne i kemi zhvilluar konferencat ndërqeveritare dhe procesin e kontrollit të legjislacionit unë mendoj se jemi tanimë çift. Pastaj zierja e këtij uji me këtë masë pluhuri kafe që bëhet gati për t’ia dhënë tani është fakti se situata në Maqedoninë e Veriut është pikë së pari rezultat i BE që nuk është në gjendje t’i japë fund praktikës së rrëmbimit të vendeve çka nënkupton të lejojë vendet anëtare të përdorin vendin e tyre në tryezën e BE si një levë kundër fqinjëve. Pasojat vihen në vetë këto vende. Kjo është gjëja më anti europiane e mundshme. Kjo është flaka që ndez më shumë nacionalizmin… Ndërkohë jemi në ato kohë nacionalizmi dhe këto gjepura mund t’ja dalin me sukses.”
“Pastaj përmendet kafen thatë s’ka kafe greke apo turke. Sepse ende nuk është zgjidhur nëse është kafe turke apo greke. Kur thashë kafe turke e thashë sepse ka turq në Gjermani dhe jo sepse nuk është kafe greke. U them miqve të mi grekë mos e keqkuptoni kafen”./E.T
