Në rajonin e Xinjiang në perëndim të Kinës, është regjistruar një temperaturë prej minus 52.3 gradë Celsius, duke thyer një rekord 64-vjeçar, raportojnë mediat kineze.
Rekordi u thye të dielën, në qytetin Tuerhong dhe më parë temperatura më e ulët në Xinjiang prej minus 51.5 gradë u mat më 21 janar 1960.
Sipas mediave kineze, për shkak të stuhisë dhe shiut të ngrirë që përfshiu atë pjesë të Kinës, trafiku rrugor dhe hekurudhor është ndaluar.
Meteorologët kanë paralajmëruar për akull të rrugëve dhe reshjet e shiut priten në të gjithë Kinën deri të enjten.
Më së shumti reshje priten në Mongoli, Kinën verilindore, provincën qendrore të Hubei dhe provincën Hunan në jug, raporton Reuters./O.S
