A ka pasur Shqipëria Aleks Navalny-t e saj?

113 563 lexime

124,178FansaPëlqeje

Nga Ylli Pata

Historia e eleminimit të njeriut që mund t’i trondiste pushtetin Vladimir Putinit ka marrë sot kryeartikutjt e mediave kryesore në botë.

Disa thonë që nga vdekja e Navalnyt fitoi Perëndimi, por argumentet e tyre mbështeten thjesht në logjikën e akuzës ndaj regjimit të Kremlinit. Por duket qartë se i vetmi që fiton nga kjo fatkeqësi është thjesht Vladimit Putini. i cili e kishte Navalnyn një kundërshtar serioz dhe kurajoz për të kundërshtuar.

E Putin ju dha mesazh kundërshtarëve të tij se nuk ka burrë nëne që i kundërvihet atij.

Po historia e Aleks Navalnyt, nuk është e panjohur në Shqipëri. Të paktën në realitet, të gjithë ata që kanë tentuar të sfidojnë Sali Berishën, ose kanë qenë realisht sfidues, kanë pasur fatin e Navalnyt.

Të tjerët, nga kundërshtarë të çmendur janë kthyer në përkrahës të gëzuar të doktorit. Kemi të bëjmë me një situatë realisht interesante, mjaft interesante që ja vlen për studim.

Por përkrahësit e Berishës do të thonë, po mirë, kush janë kundërshtarët e Edi Ramës?

Kundërshtarët e Edi Ramës ende nuk kanë dalë, por paraardhësi i tij Fatos Nano, ka pasur mjaft kunndërshtar. Të cilët sot e kësaj dite gëzojnë shëndet e begati ekonomike të madhe siç janë Pandeli Majko e Ilir Meta.

Por nga ana tjetër, një nga kundërshtarët e Sali Berishës, Azem Hajdari nuk jeton më. U vra më 12 shtator 1998. Gramos Pashko ishte një tjetër figurë e fortë që mund të kundërshtonte Sali Berishën. Madje është epike fjalimi i Pashkos në takimin e PD-së, kur u përjashtua nga PD. Pas një periudhe militance me PAD në opozitë, dhe në qeverisje me PS-në si këshilltar i Fatos Nanos, profesor Pashko ju bashkua PD-së në vitin 2005, kur kjo forcë politike erdhi në pushtet.

Lexo edhe :  E vërteta, apatia dhe cinizmi

Nuk kaloi asnjë vit, e humbi jetën në një aksident tragjik së bashku me të birin, E njëjta gjë ndodhi me Pjetër Arbnorin,  Ali Spahinë e Safet Zhulalin e shefin e SHIK, Bashkim Gazideden.

Natyrisht të ndjerët e fundit nuk ishin kundërshtarë të Berishës, mandje ishin të afërm të tij. Por humbja e jetës së tyre nga mjaft qarqe është komentuar si një logjikë jo krejt e natyrshme.

Fakt është se ne në Shqipëri kemi pasur Navalnyt tonë, pasi në ccdo rast janë vrarë në embirion çdo mundësi alternative politike. E kjo ka ndodhur natyrisht në diktaturën e Enver Hoxhës, por nuk se shpëtoi në kohën e postkomunizmit.

Eduard Selami, kryetari i PD-së, në vizitin 1995, kërkoi të bëhet kryeministër. E kërcënuan dhe u largua në SHBA i mbrojtur nga qeveria amerikane. U rikthye dy herë por nuk se përfitoi gjë. Sot jeton sërish jashtë vendit. i linçuar dhe i sulmuar dhe i papranuar nga militantët, zoti Selami sot është një alien politik.

Por kjo nuk ndodh vetëm në PD. Edhe në PS sot të dalë një kundërshtar, apo rival i Edi Ramës, nuk se e ka situatën grurë.

Megjithatë këto janë probleme partish, thelbi është përse nuk del një figurë sfiduese ndaj liderëve tradicionalë? Sepse sicc ka thënë Fatos Nano: në Shqipëri, dorëheqja, është baraz me kohëheqje. Të ikën koka. Ku është sot Dritan Prifti me që ra fjala?!

Të fundit

Buxheti/ Sa para do të marrin bashkitë nga qeveria! Kush do të jenë përfitueset kryesore

Qeveria shqiptare ka miratuar ndarjen e transfertës së pakushtëzuar për të gjitha bashkitë e vendit për vitin 2025, në...

“Dhunuesit e qytetit mbrohen nga politikanët”/ Braçe: Ja pse jam i tensionuar me Ramën!

Në një intervistë për emisionin “Dekalog” nga Roland Qafoku në DritareTV, zëvendëskryeministri Erion Braçe komentoi deklaratën e kryeministrit Edi Rama, i cili kishte pohuar...

Administrata Trump publikon dosjet mbi vrasjen e Martin Luther King

Administrata e Donald Trump publikoi të hënën më shumë se 230,000 faqe dokumentesh konfidenciale të deklasifikuara që lidhen me vrasjen e Martin Luther King...

Tërmet në Greqi, lëkundjet ndjehen pranë kufirit me Shqipërinë

Një tërmet me magnitudë 4.6 i shkallës Rihter është regjistruar mëngjesin e sotëm në Greqi, në orën 09:43 me orën lokale. Epiqendra e tërmetit ndodhej...

Projektrregullorja, ulen komisionet edhe për transfertat kombëtare në Euro

Banka e Shqipërisë ka përgatitur disa ndryshime në rregulloren “Për funksionimin e sistemit AIPS EURO për shlyerjen e transfertave vendase për klientë në Euro”, që parashikojnë...

Lajme të tjera

Web TV