Një sherr mes fqinjëve për motive pronësie që ka rrezikuar të përshkallëzohet në ngjarje kriminale, është parandaluar ditën e sotme nga uniformat blu në fshatin Micoj të Fushë Arrëzit.
Në pranga ka përfunduar 50-vjeçari me iniciale A.C., pasi dyshohet se gjatë konfliktit ka kanosur me kallashnikov fqinjin e tij, 35-vjeçarin me iniciale Y.C.
Shërbimet e Policisë kanë sekuestruar në cilësinë e provës materiale kallashnikovin dhe një krehër me fishekë, të cilati arrestuari i mbante pa lejen përkatëse.
Materialet procedurale i kaluan Prokurorisë, për veprime të mëtejshme.
Njoftimi i policisë:
Ndërhyrja e menjëhershme e shërbimeve të Policisë, parandalon një ngjarje të mundshme kriminale.
Kanosi me armë zjarri kallashnikov, fqinjin e tij, gjatë një konflikti për motive pronësie, Policia arreston në flagrancë 50-vjeçarin.
Sekuestrohen arma e zjarrit kallashnikov dhe një krehër me fishekë, që i posedonte 50-vjeçari, pa leje.
Pasditen e djeshme, shërbimet e Komisariatit të Policisë Pukë kanë marrë njoftim për një konflikt për motive pronësie mes 2 shtetasve, në fshatin Micoj, Fushë Arrëz.
Shërbimet e Policisë kanë shkuar menjëherë në këtë fshat dhe si rezultat i veprimeve të shpejta, kanë bërë të mundur kapjen në flagrancë të shtetasit A. C., 50 vjeç.
Ky shtetas dyshohet se gjatë një konflikti për motive pronësie, ka kanosur me armë zjarri kallashnikov, fqinjin e tij, shtetasin Y. C., 35 vjeç.
Shërbimet e Policisë kanë sekuestruar në cilësinë e provës materiale armën e zjarrit kallashnikov dhe një krehër me fishekë, të cilat shtetasi A. C. i mbante pa lejen përkatëse.
Materialet procedurale i kaluan Prokurorisë, për veprime të mëtejshme./O.S
