Qindra njerëz në radhë në Moskë për të vizituar varrin e Navalny

113 563 lexime

124,178FansaPëlqeje

Imazhet nga OVD-Info, një grup i pavarur rus i të drejtave të njeriut që monitoron represionin rus, tregojnë një varg të gjatë njerëzish që rrinë në radhë te varri i Navalny dhe vendosin lule në varrezat Borisovsky në Moskë.

“Njerëzit lënë lule, thonë lamtumirë, vajtojnë,” raportoi grupi.

Nëna e Navalny, Lyudmila, ishte në mesin e vajtuesve të dielën, duke vizituar varrin e djalit të saj për të dytën ditë, e shoqëruar nga nëna e vejushës së tij Yulia, raportoi Reuters.

Mijëra vajtues sfiduan kërcënimet për arrestim dhe u mblodhën për funeralin e Navalny të premten , dy javë pasi ai vdiq në moshën 47-vjeçare në një koloni penale të Arktikut.

Kishte siguri të forta në vend dhe disa nga turma brohorisnin emrin e tij ose slogane kundër Putinit.

Vdekja e liderit të opozitës shkaktoi dënime nga liderët botërorë dhe akuza nga ndihmësit e tij se ai ishte vrarë, megjithëse Kremlini ka mohuar çdo përfshirje në vdekjen e tij.

Të paktën 103 persona u arrestuan në 20 qytete ruse në ditën e funeralit të Navalny, raportoi OVD-Info të dielën. Policia ishte e pranishme, duke kërkuar dhe filmuar vajtuesit dhe duke i bërë ata të kalonin përmes detektorëve metalikë, sipas grupit.

“Disa nga ata që erdhën thanë se gjatë rrugës kishin fshehur lule nën pallto, nga frika e arrestimeve gjatë rrugës,” thanë ata. “Kjo nuk i pengoi njerëzit të vinin dhe të thoshin lamtumirë.”

Navalny u kthye në Rusi në vitin 2021, pasi kaloi muaj të tërë duke u rikuperuar në Gjermani nga helmimi me Novichok që një hetim Bellingcat-CNN zbuloi se ishte kryer nga inteligjenca ruse.

Ai u arrestua menjëherë pas mbërritjes së tij dhe e kaloi pjesën tjetër të jetës së tij pas hekurave me akuza që ai i hodhi poshtë si të motivuar politikisht./O.S

Të fundit

VIDEO/ Dramë në “Allianz Arena”, Frattesi dhe Lautaro gjunjëzojnë Bayernin

Interi ka hedhur një hap shumë të rëndësishëm drejt gjysmëfinales të Ligës së Kampioneve, pasi ka mundur me shifrat...

Arsenali me një “këmbë” në gjysmëfinale, Topçinjtë shkatërrojnë Real Madridin

Real Madrid është turpëruar nga Arsenali në çerekfinalen e parë të Champions. “Topçinjtë” fituan me rezultatin 3-0 përballë madrilenëve, që u shokuan në pjesën e...

SHBA gati për luftë? Bombarduesit B-2 fluturojnë në ishujt Chagos

Shtetet e Bashkuara kanë dërguar një numër rekord avionësh bombarduesish B-2 në Ishujt Chagos në Oqeanin Indian, në një veprim të cilësuar si “demonstrim...

Cili ishte alfabeti i parë në botë?

Me kaq shumë tekste të lashta nëpër botë, ju mund të pyesni veten se cili alfabet u zhvillua i pari. Me fjalë të tjera,...

Dielli shënon rekordin e tij minimal të aktivitetit

Dielli ka arritur të prekë pikën minimale të 100 viteve të fundit. Një cikël diellor zgjat 11 vite, ai aktuali është i 25-ti, që...

Lajme të tjera

Web TV