“Nga pagat tek kushte më të mira pune” /Mijëra mjekë protestojnë në Gjermani!

113 563 lexime

124,178FansaPëlqeje

Mijëra mjekë në spitalet universitare në Gjermani ulën stetoskopët e tyre dhe mbajtën mitingje për të kërkuar të paga më të larta dhe kushte më të mira pune.

Rreth 7,000 mjekë nga 23 spitale universitare morën pjesë në mitingje të hënën, sipas sindikatës së mjekëve “Marburger Bund”.

Një raund i katërt i negociatave midis sindikatës së mjekëve dhe punëdhënësve të shteteve federale të Gjermanisë kishte dështuar kohët e fundit. Megjithatë, Monika Heinold, kryenegociatorja për punëdhënësit, e njohur me akronimin gjerman TdL, ishte optimiste për negociatat e mëtejshme.

Mjekët kërkojnë një rritje page 12.5%, si dhe shpërblime më të larta për punën e rregullt gjatë natës, fundjavave dhe festave publike. Vetëm në landin më të populluar të North Rhine-Westphalia, rreth 2,500 mjekë spitalorë dolën në grevë gjatë gjithë ditës në të gjashtë spitalet universitare, sipas një zëdhënësi të sindikatës.

Rreth 2000 grevistë nga spitalet universitare bavareze u mblodhën në Mynih. Në Shtutgart, mjekët protestues vendosën një shtrat simbolik spitalor përpara Ministrisë së Financave – mjekët kërkuan një “infuzion financiar” për spitalet.

Ministrja e financave e shtetit të Schleswig-Holstein, Monika Heinold, tha se ajo po kërkon të gjejë një zgjidhje të pranueshme për të dyja palët në raundin tjetër të negociatave në fund të marsit. Negociatat kanë të bëjnë me pagat e më shumë se 20,000 mjekëve në 23 spitale universitare. Marrëveshjet e tjera kolektive zbatohen për mjekët në Berlin, Hamburg dhe Hesse.

Grevat në spitale vijnë pasi Gjermania përballet me një valë grevash në sektorin e transportit. Të martën, shoferët gjermanë të trenave dhe stafi në transportuesin kombëtar të vendit ‘Lufthansa’ planifikojnë të lënë sërish punën e tyre, si pjesë e mosmarrëveshjeve të vazhdueshme për pagat./O.S

Të fundit

Chelsea ngre trofeun e Conference League, londinezët përmbysin Betisin brenda 45-minutave

Chelsea është fituesi i edicionit të katërt të Ligës së Konferencës, në të cilin që në fillimin e turneut...

Mahnitëse! Kur jahti 200 milionë dollarësh të kalon te dera e shtëpisë

Një superjaht luksoz në pronësi të miliarderit amerikan që e shndërroi Starbucks-in në një markë globale është parë duke kaluar nëpër një kanal shumë...

Shqiptarë, kujdes! Vesi jonë i keq në avion tani ndëshkohet me 70 euro

Turqia u ndalon pasagjerëve të ngrihen në këmbë përpara se të fiket shenja e rripit të sigurimit në avion, në të kundërt do të...

100 gramë kokainë dhe shkop bejsbolli në makinë, shqiptarët kapen mat në Itali

Tre të rinj shqiptarë u ndaluan nga karabinierët gjatë një operacioni antidrogë në periferi të qytetit, në Pesaro. Eefektivët ndërhynë në momentin që të dyshuarit...

Përdhunim, trafikim dhe prostitucion, konfirmohen 21 akuzat për vëllezërit Tate

Prokurorët në Mbretërinë e Bashkuar kanë konfirmuar për herë të parë se kanë autorizuar 21 akuza kundër Andrew dhe Tristan Tate, duke përfshirë përdhunim,...

Lajme të tjera

Web TV