Aktorja e njohur Sharon Stone më në fund zbuloi emrin e producentit që i bëri presion asaj të kryente marrëdhënie seksuale me një tjetër aktor, në përpjekje për të pasur një performancë më të mirë në film. Ylli i “Basic Instinct” zbuloi se Robert Evans donte që ajo të ishte më intime me Billy Baldwin teksa ata filmonin “Sliver” të 1993.
“Më thirri në zyrën e tij. Ai kishte këto kolltukë shumë të ulët të viteve ’70, ’80, kështu që unë në thelb isha ulur në dysheme, në vend që të isha në xhirime,” tha Stone në podkastin “Louis Theroux”.
“Dhe ai më shpjegoi se ai ka fjetur me Ava Gardner dhe unë duhet të fle me Billy Baldwin, sepse nëse do të flija me Billyn, performanca e tij do të përmirësohej dhe ne kishim nevojë që ai të bëhej më mirë në film sepse ky ishte problemi.”
Stone, tani 66 vjeç, tha se Evans besonte se fjetja me Baldwin do t’i jepte çiftit një “kimi në ekran” më të mirë, gjë që do ta shpëtonte filmin. Ylli i “Casino” pranoi se ishte e frustruar që producentët e filmit nuk i kishin dëgjuar sugjerimet e saj. Stone së pari ndau situatën e pakëndshme në kujtimet e saj të vitit 2021, “Bukuria e të jetuarit dy herë”, por nuk përmendi emrin e Evans ose Baldwin në atë kohë.
Stone vuri në dukje se “Sliver” fitoi 280 milionë dollarë, pavarësisht se u konsiderua një dështim i madh. Evans vdiq në vitin 2019 në moshën 89-vjeçare./E.Ç
