Angelina Jolie dominon në procesin gjyqësor kundrejt Brad Pitt

113 563 lexime

124,178FansaPëlqeje

Avokati i aktores Angelina Jolie, Paul Murphy ka deklaruar se aktorja së fundmi ka fituar disa gjyqe, në betejen e saj ligjore me Brad Pitt, lidhur me pronën dhe kantinën e verës që kanë në Francë.

Mosmarrëveshja midis yjeve – të cilët u martuan në këtë provincë në Francën Jugore në vitin 2014 dhe u ndanë dy vjet më vonë në vitin 2016 – përqendrohet rreth shitjes së pjesës së pronësisë së Jolie tek oligarku rus Yuri Shefler në vitin 2021.

Gjykatësi vendosi në favor të aktores 48 vjeçe, “dhe hodhi poshtë pesë nga shtatë pretendimet që Pitt pohoi kundër saj” në një ankesë që ai paraqiti, gjatë një seance dëgjimore në Los Anxhelos javën e kaluar, tha një burim i brendshëm.

“Gjyqtari hodhi poshtë shumicën e pretendimeve të Pitt sepse ato nuk kanë një bazë ligjore”, tha Murphy.

“Padia e Pitt nuk ka qenë kurrë për një mosmarrëveshje biznesi, në vend të kësaj, bëhet fjalë për përpjekjet e tij për të mbuluar abuzimin serioz dhe ne jemi të kënaqur që gjyqtari ka hedhur poshtë aq shumë nga ankesat e tij”, ka shtuar ai.

Jolie dhe Pitt janë përfshirë në sistemin ligjor mes betejave për çështje të shumta gjatë gjashtë viteve të fundit, duke përfshirë kujdestarinë e gjashtë fëmijëve të tyre – Maddox, Pax, Zahara, Shiloh dhe binjakët Knox dhe Vivienne.

Zhvillimi i fundit në këtë çështje vjen disa javë pasi Jolie dështoi në bindjen e një Gjykate të Lartë të Los Anxhelosit për ta pushuar çështjen krejtësisht.

Pitt dhe Jolie blenë Chateau Miraval, një pronë prej 1300 hektarësh në jug të Francës, në vitin 2008, teksa në vitin 2013 ata filluan një biznes të prodhimit të verës atje me markën Perrin – prodhuesit kryesorë të verës organike nga Lugina e Rhone Jugore./E.Ç

Të fundit

A jemi në pragun e Luftës së 3-të Botërore?

GJENERAL PIRO AHMETAJ Pyetje trilona dollarë: ”A ndodhemi në prag të Luftës së Tretë Botërore?” Cilat janë mësimet nga Lufta...

Punëtorët evakuojnë centralin bërthamor të Fukushimës për shkak të frikës nga cunami

Punëtorët në termocentralin bërthamor të Fukushimës në Japoninë lindore, i cili pësoi një nga dy aksidentet më të këqija bërthamore në historinë moderne dhe...

“Independent”: Shqipëria mes destinacioneve më të mira për pushime në vitin 2025

Jeni duke kërkuar një vend për pushime me buxhet të ulët? Ne ju rekomandojme pese destinacionet më të mira në vitin 2025 – nga...

Propozuesit ‘ilegalë’ të një debati publik mbi Kodin penal

Nga Mero Baze Zërat që kritikojnë propozimet për Kodin e ri penal janë shtuar dhe në emër të institucioneve. Sot atë e kundërshtoi me shumë...

Shqipëria, e dyta nga fundi në Europë për shpenzimet qeveritare për kërkim dhe zhvillim

Shqipëria renditet ndër vendet me nivelin më të ulët të shpenzimeve qeveritare për kërkim dhe zhvillim në Europë. Sipas të dhënave më të fundit të...

Lajme të tjera

Web TV