Kryetari i Partisë së Lirisë, Ilir Meta, ashtu si kreu i PD-së, Sali Berisha, kërkoi këtë të premte qeveri teknike.
Meta tha në një dalje të tij se opozita duhet të organizohet shumë shpejt në një mënyrë të hekurt që ta dërgojë vendin drejt një qeverie teknike.
“Jemi për qeveri teknike, por opozita duhet të organizohet shumë shpejt në një mënyrë të hekurt, sepse kemi të bëjmë më një regjim që investon tek përçarja opozitës dhe krijimi i idesë që është një regjim i fortë, por në fakt është qesharak. Me një organizim të opozitës ky regjim do të rrëzohet si rruga Korçë – Ersekë”, u shpreh ai.
Megjithatë, kreu i PL-së deklaroi se nuk do të pranojë të jetë kryeministër i qeverisë teknike.
“Nuk kam asnjë preferencë sa i përket kësaj cështjeje. Nuk pranoj unë të jem kryeministër për një qeveri teknike, sepse duhet të jesh teknicien”, theksoi Meta./O.S
