Ylli 30-vjeçar i popit Justin Bieber u shfaq në mediat sociale me një sërë fotografish, duke filluar nga pamja e tij befasuese në Coachella deri te disa selfie të zymta të tij ku ai shihej duke qarë.
Pama e tij e përlotur bëri që fansat të vërshonin me mesazhe shqetësimi dhe mbështetjeje, duke pyetur nëse thashethemet për një ndarje martesore me gruan Hailey Bieber mund të jenë të vërteta.
“Pse po qan, Justin, ne jemi këtu për ty vëlla; je mirë vëlla?”, ishte vetëm një nga komentet. Pavarësisht zhurmës së vazhdueshme rreth marrëdhënies së tyre, çifti është përballur me thashethemet e ndarjes me Hailey-n shpesh duke i shuar aludimet.
Edhe këtë herë, Hailey ka zgjedhur që të komentojë në postimin ku ai shfaqet i përlotur me një emoji duke qarë, si një mbështetje ndaj partnerit të saj dhe përpjekje për të shuar aludimet e ndarjes./E.Ç
