Orari më i mirë për të konsumuar darkën

113 563 lexime

124,178FansaPëlqeje

Lufta për të mbajtur një peshë të shëndetshme rritet me moshën, pasi metabolizmi ynë ngadalësohet dhe gjërat duket se nuk funksionojnë si më parë. Mbajtja e niveleve të sheqerit në gjak në një interval të shëndetshëm është një gjë tjetër që duhet t’i kushtojmë më shumë vëmendje me kalimin e kohës.

Ne e dimë se ajo që vendosim në trupin tonë ka një ndikim të madh, por hulumtimet e reja sugjerojnë se nuk ka të bëjë vetëm me atë që hamë, por edhe kur e hamë atë.

Një studim i publikuar në Journal of Clinical Endocrinology & Metabolism ka zbuluar se kur bëhet fjalë për darkën, më herët është më mirë për disa aspekte të shëndetit tonë, përkatësisht nivelet e sheqerit në gjak dhe djegien e yndyrës.

Studiuesit nga Universiteti John’s Hopkins për studimin vlerësuan 20 vullnetarë të shëndetshëm (10 meshkuj dhe 10 femra). Studiuesit analizuan sesi metabolizmi i vullnetarëve u ndikua nga ngrënia e darkës në orën 22:00 kundrejt ngrënies në orën 18:00.

Nga studimi doli se ngrënia e darkës vonë lidhej me nivele më të larta të sheqerit në gjak dhe djegie më të ulët të yndyrës. Rezultatet e tyre sugjeruan se edhe kur njerëzit hanin të njëjtin vakt, ngrënia e darkës në orën 22:00 rezultonte në nivele të sheqerit në gjak që rriteshin deri në 20 për qind, ndërsa djegia e yndyrës u reduktua deri në 10 për qind në krahasim me darkën që konsumohej më herët.

Pra, nëse nuk keni qenë tashmë të bindur se ngrënia e darkës më herët ishte më e mirë për shëndetin tuaj, ky studim tregon se është e vërtetë. Mundohuni ta hani darkën deri në orën 18:00, veçanërisht nëse zakonisht shkoni në shtrat në orën 23:00 dhe mund të jeni të sigurt se po bëni gjënë e duhur për trupin tuaj./E.Ç

Të fundit

Meghan Markle zbulon betejën e frikshme shëndetësore që përjetoi pas lindjes

Dukesha e Sussez, Meghan Markle ka lançuar episodin e parë të podkastit të saj të ri. Ajo ka treguar...

Camp Hill” / Virusi i ri që alarmon shkencëtarët

Një virus i ri që është shfaqur në pjesë të Amerikës mund të "kërcënojë të gjithë njerëzimin" sipas ekspertëve që parashikuan COVID-19, pasi lidhet...

“Shpirti mamit ti”, del mesazhi zanor i Ilaria Sulës. Prindërit rrëfehen mes lotësh

Për Flamur dhe Gëzime Sulën dhimbja nuk do të shuhet kurrë. Vajza e tyre, vetëm 22 vjeç, u shua padrejtësisht. Ilaria kishte shkuar për të...

Deklaroi se RTSH duhet të mbyllet/ Sindikata: Agron Shehaj shkeli vijën e kuqe me media

Kryetari i Partisë Mundësia ka deklaruar dje në një video të shpërndarë në rrjetet e tij sociale se RTSH duhet të mbyllet pasi nuk...

Presidenti Begaj vizitë në Kosovë, bllokohen përkohësisht disa rrugë

Gjatë kësaj vizite shtetërore, Policia e Kosovës do të kujdeset për ruajtjen e rendit dhe sigurisë publike, si dhe për lëvizjen e sigurt të...

Lajme të tjera

Web TV