Së fundmi, Robert Berisha nuk është kursyer me detajet nga lidhja e tij më e re.
Në një intervistë ai tregoi se si është njohur me partneren e tij, Ana Skrel. Madje, nuk u step të shprehte dhe planet për martesë.
Këngëtari dhe ish-banori i emisionit ‘Ferma VIP’ tregoi për publikun se partnerja e tij e re është 23 vjeçe, nga Ulqini, por jeton në Amerikë.
“Si të mos e postoj këtë peri? Loçkë, 23 vjeçe, ulqinake”, – u shpreh ai.
Ai shtoi se distanca i ka shtyrë të udhëtojnë më shumë për t’u takuar.
“Më bie të udhëtoj shumë. Kam shkuar shpesh në Amerikë. Tani, ajo do të vijë këtu për të qëndruar më gjatë.”
Për sa i përket njohjes, ai u shpreh se vajza nuk është pjesë e showbiz-it dhe se e ka parë në një dasmë në Nju Jork.
“Kur e kam njohur këtë nuk e ka ndjekur asnjë artist shqiptar, larg estradës. Më ka parë në një dasmë në Nju Jork, më ka parë në një story dhe kështu kemi hyrë në kontakt. Nuk e ka ditur se kush jam, hiç.”
Gjithashtu, ai u shpreh se ndihet shumë mirë me të dhe nuk e përjashton mundësinë e një dasme.
“Jam rehatuar shumë me të. Quhet Ana Maria. Pse të mos bëj dasmë. Dasmën e dytë do ta bëj ndryshe. Do ta bëj jashtë, në një ambient të hapur. Më të vogël.”/E.Ç
