Trendet e grimit janë kaq të shumta dhe të larmishme sa ndryshojnë pas çdo sezoni. Por, duket se kryefjalë e këtij sezoni, sa i takon mollëzave do të jetë grimi me hashtagun #sunsetblush që po bëhet viral në rrjetet sociale dhe ka mbi 22.5 milionë postime në TikTok.
Lëkura me shkëlqim me nuancat e portokallisë, roza apo e kuqja e ndezur janë tonet që ju duhen për mollëza më të bukura, që duken gati si të puthura nga dielli. Frymëzimi për grimin e duhur këtë vit vjen nga perëndimet tipike verore.
Nisur edhe nga emri, skuqja e perëndimi do të thotë një gamë ngjyrash të theksuara që imitojnë një perëndim tipik me nuanca nga portokallia te e kuqja. Grimierja Clarissa Luna thotë se tendencat këtë vit janë një dalje nga dimri i gjatë, ku nuancat mat dhe të ftohta kanë qenë protagoniste. “Kjo tendencë blush-i shkon drejt ngjyrave të theksuara dhe të ndezura. Vera është thuajse pas derës.”/E.Ç
