Dasma më e komentuar e momentit, ajo mes miliarderit indian Anand Ambani dhe Radhika Merchant në Mumbai, është përfolur jo vetëm për ekstravagancën, por edhe për të ftuarit e famshëm nga e gjithë bota. Mes tyre, edhe motrat Kim dhe Khloé Kardashian.
Kim, në një nga veshjet në dasmën katërditore të miliarderit indian zgjodhi një fund të gjatë dhe një palë reçipeta me xhufka dhe shumë shkëlqim. Kim shtoi edhe aksesorët e mëdhenj të diamantit si varësja, por edhe një tjetër aksesor në kokë që bënte ndarjen në mes të flokëve të gjatë dhe të lëshuar të Kardashian.
Por, përtej shkëlqimit në stilin e Kim duket se ajo ka thyer kodin tradicional hindu të veshjeve, sidomos të ngjyrës, pasi e kuqja zakonisht është një nuancë që zgjidhet nga nusja në ditën e saj të dasmës.
“Në kulturën indiane, gruaja është ajo që largohet nga shtëpia e saj dhe shkon në shtëpinë e burrit për të qenë me familjen e tij,” thotë Niki Shamdasani, stiliste e një marke indiane veshjesh.
“Është një ndryshim shumë më i madh për gruan sesa për burrin, ndaj është logjike që ajo të marrë më shumë vëmendje dhe të ketë në trup një ngjyrë të theksuar si e kuqja që simbolizon jetën e re. Veshja e kësaj nuance nga ana e Kim, cilësohet si një thyerje e etikës së të ftuarve në një dasmë indiane”, shtoi ajo.
Dasma Ambani cilësohet si një nga më luksozet e vitit, me një listë të të ftuarve si ish-kryeministrat britanikë Tony Blair dhe Boris Johnson, këngëtaret Adele, Lana Del Rey, artistët Drake, Priyanka dhe Nick Jonas etj./E.Ç
