Kënga Haziri, vajza e ish-kryetarit të Gjilanit, Lutfi Haziri, ka qenë e ftuar në emisionin ‘SOL’, ku ka ndarë detaje nga jeta e saj personale dhe është pyetur dhëndrin e ri të familjes, këngëtarin e njohur Mozzik.
Kënga ka theksuar mbështetjen e familjes për motrën e saj, Lotina Haziri, e cila e ka konfirmuar lidhjen me reperin Gramoz Aliu, i njohur si Mozzik.
“Ekskluziviteti i kësaj i takon Lotinës. Ne thjesht jemi të lumtur që Lotina është e lumtur. Për çdo zgjedhje të asaj ne jemi mbrapa. E suportojmë përderisa ajo është e lumtur,” tha Kënga Haziri.
E pyetur se si iu duket Mozzik si dhëndër, Kënga zgjodhi t’i lërë vlerësimet e para motrës së saj, duke shtuar: “Për këtë do të flasë e para Lotina, pastaj do të flasim të gjitha. Po ia lemë Lotinës”.
Kujtojmë se lidhja mes Lotina Hazirit dhe Mozzik është bërë publike së fundmi. S.B
