Drejtoria e Burgjeve ka lënë në ilozimin 41- Biss, Fran Marashin, autorin e masakrës së “Urës Vajgurore” me 4 policë të vrarë në vitin 1997.
Njoftimi i Drejtorisë së Burgjeve:
Më datë 13 dhjetor 2024, me Urdhrin nr. 620 të Ministrit të Drejtësisë, i burgosuri Fran Marashi, i biri i Pal dhe i Dile, i datëlindjes 19 shkurt 1978, lindur dhe banues në Shkodër, është vendosur në Regjim të Posaçëm “41-bis” në Institucionin e Ekzekutimit të Vendimeve Penale të sigurisë së lartë në Peqin për një periudhë njëvjeçare.
Marashi është dënuar me burgim të përjetshëm nga Gjykata e Rrethit Gjyqësor Tiranë, për kryerjen e disa veprave penale të rënda, përfshi këtu pjesëmarrje në banda të armatosura, vrasje me dashje të punonjësit të policisë, vrasje me dashje të punonjësit të policisë, mbetur në tentativë, vrasje me dashje dhe heqje e paligjshme e lirisë .
Regjimi i posaçëm “41-bis” zbatohet ndaj individëve që kanë kryer vepra të rënda penale në kuadër të organizatave kriminale, terroriste apo bandave të armatosura dhe që përbëjnë rrezik të lartë shoqëror.
Drejtoria e Përgjithshme e Burgjeve mbetet e përkushtuar në zbatimin rigoroz të masave për të garantuar sigurinë dhe për të luftuar veprimtarinë kriminale brenda institucioneve penitenciare.
/E.S
